რუსული კანონმდებლობა კრძალავს სქესის შეცვლის ქირურგიული ოპერაციების ჩატარებას მთელი ქვეყნის მასშტაბით
რუსეთის ფედერაციული რესპუბლიკის მთავრობის მიერ მიღებული იქნა ახალი კანონპროექტი, რომლიც თანახმადაც სამედიცინო დარგის მუშაკებს ეკრძალებათ ქირურგიული ოპერაციების ჩატარება ადამიანის პირველადი, ან თუნდაც მეორადი გენდერული მახასიათებლების შესაცვლელად მთელი ქვეყნის მასშტაბით.
პრეზიდენტმა, ვლადიმერ პუტინმა არაერთხელ გააკრიტიკა როგორც ის უწოდებს, დასავლეთის მცდელობები რუსეთის საზოგადოებაში არატრადიციული ცხოვრების წესის, მათ შორის ლგბტ იდეოლოგიის დანერგვაში.
ახალი კანონპროექტი, რომელსაც რუსი კანონმდებლები განიხილავენ, ოფიციალურად კრძალავს სქესის შეცვლის ოპერაციებს, გარდა ბავშვებში თანდაყოლილი გენდერული ანომალიების მკურნალობისათვის აუცილებელი ოპერაციებისა.
გარდა ამისა, კანონის ფარგლებში იკრძალება ლეგალური დოკუმენტების შეცვლა ექიმების ან ნებისმიერი სამედიცინო ორგანიზაციის მიერ გაცემული „გენდერის დადასტურების მოწმობების“ საფუძველზე.
ეს ასევე ეხება ყველა საიდენტიფიკაციო დოკუმენტს, მათ შორის პასპორტს, რომელიც ასახავს პირის მხოლოდ ნამდვილ ბიოლოგიურ სქესს.
როგორც ადგილობრივი საინფორმაციო საშუალებები განმარტავენ, აღნიშნული კანონპროექტი ჩამოყალიბდა როგორც აუცილებელი პირობა ტრადიციული, ოჯახური ღირებულებების დასაცავად.
