ცნობილი მსახიობი ალ პაჩინო 82 წლის ასაკში მეოთხედ ხდება მამა
როგორც ჩანს რობერტ დე ნიროს “წარმატებამ”, რომელიც მაისის დასაწყისში, 79 წლის ასაკში გახდა მამა, შურის გრძნობა აღუძრა ალ პაჩინოს, რომელსაც გავრცელებული ინფორმაციით, 82 წლის ასაკში მეოთხე შვილი ეყოლება.
მსახიობის უახლოესი გარემოცვის მიერ ვრცელდება ინფორმაცია, რომ ცნობილი ამერიკელი მსახიობის 29 წლის პარტნიორი, ნურ ალფალაჰი რვა თვის ორსულია .
ამას გარდა ალ პაჩინო კიდევ სამი შვილის მამაა, მას ჰყავს 33 წლის გოგონა ჯული, რომელიც მას შეეძინა ჟან ტარანტთან და 22 წლის ტყუპები, ოლივია და ენტონი, ბევერლი დ’ანჯელოსგან.
პაჩინოს ალფალაჰთან ურთიერთობის შესახებ ინფორმაცია პირველად 2022 წლის აპრილში გავრცელდა, როდესაც ისინი ერთად დააფიქსირეს რესტორანში, თუმცა პრესაში აღნიშნავდნენ, რომ ისინი კორონავირუსის პანდემიის დროიდან ხვდებოდნენ.
„პაჩინომ და ნურმა პანდემიის დროს დაიწყეს შეხვედრა. ის ძირითადად მდიდარ, ხანდაზმულ მამაკაცებს ირჩევს. არც თუ დიდი ხანია რაც ალთან არის და კარგად ატარებენ დროს. როგორც ჩანს, ასაკობრივი სხვაობა არ არის პრობლემა, მიუხედავად იმისა, რომ პაჩინო მის მამაზე უფროსია“ – განუცხადა წყარომ პრესას.
გავრცელებული ინფორმაციით, ნურს ადრე ჰქონდა ურთიერთობა მიკ ჯაგერთან, რომელსაც იგი სავარაუდოდ ხვდებოდა მაშინ, როდესაც ცნობილი როკერი 74 წლის იყო, ხოლო თვითონ 22 წლის.
