საბერძნეთის თავდაცვის მინისტრი მალაკასაში დრონების მწარმოებელ ქარხანას ესტუმრა
საბერძნეთის თავდაცვის მინისტრი მალაკასაში დრონების მწარმოებელ ქარხანას ესტუმრა
საბერძნეთის თავდაცვის მინისტრმა, ნიკოს დენდიასმა, ატიკის რეგიონში, მალაკასაში, დრონებისა და ანტიდრონული სისტემების წარმოების ახალი ქარხნის საძირკველი ჩაყარა.
ახალი 309-ე ქარხანა ქვეყნის თავდაცვის მოდერნიზაციის პროგრამის „Agenda 2030“-ის ნაწილია და მიზნად ისახავს საბერძნეთის მიერ უპილოტო სისტემების საკუთარი წარმოების განვითარებას. მინისტრის განცხადებით, თანამედროვე ომებში დრონები გადამწყვეტ როლს ასრულებენ დაზვერვის, ზედამხედველობის, ინფრასტრუქტურის დაცვისა და სამიზნეების ზუსტი განადგურების მიმართულებით.
პროექტი მოიცავს ძველი სამხედრო ობიექტების სრულ განახლებას და ახალი, თანამედროვე საწარმოო კომპლექსის მშენებლობას. ქარხანაში იწარმოება საჰაერო, სახმელეთო და საზღვაო უპილოტო სისტემები, ასევე ანტიდრონული ტექნოლოგიები.
მთავრობის გეგმის მიხედვით, ქარხანა მნიშვნელოვნად გაზრდის ქვეყნის წარმოების შესაძლებლობებს. მომავალში წლიურად მინიმუმ 10 000 მცირე კლასის დრონის, ასობით ანტიდრონული სისტემისა და უპილოტო სახმელეთო აპარატის წარმოება იქნება შესაძლებელი.
საბერძნეთის ხელისუფლება მიიჩნევს, რომ აღნიშნული პროექტი გააძლიერებს ქვეყნის უნარს გახდეს დამოუკიდებელი თავდაცვის სფეროში და ხელს შეუწყობს ეროვნული სამხედრო ინდუსტრიის განვითარებას.
