Latest news
ისტორიული ვიდეო პოლიტექნიკური უნივერსიტეტის აჯანყების პირველი წლისთავიდან იცით თუ არა რომ მოძრაობის წესების დარღვევისას ქვეითებიც ჯარიმდებიან ირაკლიო: რატომ ჰქონდა 18 წლის ბავშვს საწვავით სავსე ბოთლთან წვდომა საბერძნეთის სახელმწიფო საბჭოს ვიცე პრეზიდენტი: არ ვიზიარებ მერების წინასწარ უარყოფით დამოკიდებულებას ზეფირი: „კოლეგის გადარჩენა ვცადე, მაგრამ ჟანგბადი გამითავდა“  კოლონოს: ილიას მიხოსი სასამართლოში გადაიყვანეს ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის...
ორშაბათი, ნოემბერი 16, 2026
საბერძნეთისაზოგადოება

საბერძნეთი: სტიქიური უბედურების შემდეგ ქირის სუბსიდირების ციფრული პლატფორმა გაიხსნა

ციფრული მმართველობის სამინისტრომ კლიმატის კრიზისისა და სამოქალაქო დაცვის სამინისტროსთან, ასევე ეროვნული ეკონომიკისა და ფინანსთა და შინაგან საქმეთა სამინისტროებთან მჭიდრო თანამშრომლობის კონტექსტში სტიქიით დაზარალებულთათვის საცხოვრებელი ბინის ქირის სუბსიდირების ციფრული პლატფორმა გახსნა.

კერძოდ, 2023 წლის ივლისი-სექტემბრის თვეების სტიქიური უბედურებებით დაზარალებულ მოქალაქეებს შესაძლებლობა აქვთ ციფრულად წარადგინონ განაცხადი დროებითი საცხოვრებლის სუბსიდირების თაობაზე დროებითი საცხოვრებლის ხარჯების დასაფარად.

კერძოდ:

• 2023 წლის ივლისისა და აგვისტოს ხანძრის შედეგად დაზარალებულთა სუბსიდირება ეხება იმ შემთხვევებს, როდესაც მათი მთავარი საცხოვრებელი დროებით იქნა კლასიფიცირებული, როგორც უვარგისი ან სახიფათო გამოსაყენებლად ან იმყოფება ჩამონგრევის საფრთხის ქვეშ, ან მთლიანად განადგურებულია, ან აშენებულია არასრულფასოვანი მასალებით. ასეთ შემთხვევაში მფლობელისთვის გაიცემა ორწლიანი დახმარება ხოლო  დამქირავებლებისათვის ექვსთვიანი დახმარება.

• 2023 წლის სექტემბრის წყალდიდობის შედეგად დაზარალებულთათვის, სუბსიდირების პროგრამა ეხება შემთხვევებს, როდესაც მათი მთავარი საცხოვრებელი გამოცხადდა დროებით უვარგისად ან სახიფათოდ გამოსაყენებლად, ნაწილობრივ ან მთლიანად დანგრეულად ან ნაგებია არასრულფასოვანი მასალებით. ამ სემთხვევაში  ასევე გაიცემა ფინანსური დახმარება ორი წლით მფლობელებისთვის და და ექვსი თვით მოიჯარეებისთვის.

მსურველებს განაცხადების გაკეთება შეუძლიათ gov.gr-ის ელექტრონული პლატფორმის საშუალებით, ან პირდაპირ arogi.services.gov.gr-ზე.

განაცხადის გაგზავნა ხდება მარტივი და მოსახერხებელი გზით. უფრო კონკრეტულად, დროებითი საცხოვრებლის სუბსიდირების პროცესისთვის მოქალაქეები შედიან TAXIsnet-ის პირადი პაროლებით.

ისინი აღრიცხავენ ან  ადასტურებენ განაცხადზე კანონით მოთხოვნილ მონაცემებს და წარადგენენ მას. წარდგენილი განცხადება ელექტრონულად იგზავნება კლიმატური კრიზისისა და სამოქალაქო დაცვის სამინისტროს სტიქიური უბედურებების აღდგენის გენერალურ დირექტორატში, სადაც შესაბამისი შემოწმების დასრულების შემდეგ პროცესი სრულდება დროებითი საბინაო გრანტის მიღების გადაწყვეტილების დადასტურებით.

განაცხადები ინახება მოქალაქის პირად საფოსტო ყუთში my.gov.gr-ზე და შეიცავს gov.gr-ის მოქმედების მახასიათებლებს, ანუ უნიკალური კოდის ნომერს ალფანუმერული და QR ფორმატით, ასევე ციფრული სამინისტროს ელექტრონული ხელმოწერით.

 

 

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *