სტივ დუზოსი უკვე სამი კვირაა საავადმყოფოში მკურნალობს
სტივ დუზოსი უკვე სამი კვირაა საავადმყოფოში მკურნალობს
65 წლის მსახიობმა მის ჯანმრთელობის მდგომარეობაზე ისაუბრა. ის უკვე სამი კვირაა მკურნალობს გულსა და ფილტვებზე შექმნილი პრობლემების გამო. სტივ დუზოს ყოველდღიურად უკეთებენ ექიმები ანალიზებს და იმედი აქვს, რომ კვირის ბოლოს შეძლებს საავადმყოფოდან გამოსვლას.
როცა ინტერვიუს მსვლელობისას ღიორღოს ლიაგასმა მსახიობს კითხა თუ რატომ მკურნალობს, მან იუმორით უპასუხა “ვმკურნალობ იმიტომ რომ ცუდი ბიჭი ვარ” და გააგრძელა: “ჩვეული ანალიზების ჩასაბარებლად მივედი, რომლებსაც ჯანმრთელობის მდგომარეობის შესამოწმებლად ყოველ ექვს თვეში ვაბარებ ხოლმე და აღმოვაჩინეთ, რომ რაღაც პრობლემები მაქვს ფილტვებსა და გულზე. მკურნალობა დაუყოვნებლივ დავიწყე, რადგან შედარებით რთული იყო ჩემი ჯანმრთელიბის მდგომარეობა. ყოველდღიურად ვიკეთებ სხვადასხვა ანალიზებს და იმედი მაქვს, რომ კვირის ბოლოს გამწერენ საავადმყოფოდან”.
რაც შეეხება ჯანმრთელობის მდგომარეობის გაუარესების მიზეზებს მსახიობა განაცხადა: “ცოტ-ცოტა წვლილი ყველაფერს მიუძღვის. სამოცდაათიანები, ოთხმოცდაათიანები, მძიმე წონა, მენტალიტეტი.. ჩვეულება რჯულზე უმტკიცესიაო.. ახალი ცხოვრების სტილს ამ ასაკში ვეღარ შევიძენ.. მეუბნებიან მოწევას შეეშვიო.. მარტივი არაა მოწევას თავი დაანებო.. როგორც შემიძლია ისე ვუფრთხილდები ჯანმრთელობას”.
