ტერორისტული ქსელის წევრების მობილური ტელეფონები გაიშიფრა
საბერძნეთში ტერორისტული აქტის მომზადებისთვის დაკავებული ორი პაკისტანელის გადაადგილების მარშრუტს და კონტაქტებს ეროვნული უშიშროების სამსახური ამ დრომდე შეისწავლის.
უახლოეს მომავალში არ არის გამორიცხული კვლავ განხორციელდეს დაკავებები.
პოლიციის მიერ მოპოვებული მასალები და მტკიცებულებები დეტალურად, მიკროსკოპულ დონეზე იქნა შესწავლილი.
მიღებული სურათი შემზარავია.
ირკვევა, რომ ტერორისტული ორგანიზაციის ხელმძღვანელის მიზანი ათეულობით დაღუპული ადამიანი იყო.
ფაქტობრივად მან ტერორისტებს ხოცვა -ჟლეტის ტელეფონებით გადაღება დაავალა.
თითოეული მსხვერპლი უნდა ყოფილიყო მამტკიცებელი საბუთი შესაბამისი ოდენობის ფულადი ჯილდოს მისაღებად.
” ყველა გარდაცვლილის ფოტოსთვის გადაგიხდით”- ისმის მოპოვებულ ჩანაწერში.ასევე ისმის მოწოდებები, მოკლან რაც შეიძლება მეტი ადამიანი.
ირანის მხრიდან ორ პაკისტანელზე ზეწოლა ძალიან ინტენსიური იყო. ისინი კალაშნიკოვის ავტომატებოთ შეიარაღებულები უნდა შეჭრილიყვნენ ებრაულ რესტორანში. ასევე მეორე ვარიანტი იყო გაზის ბალონების გამოყენება ტერიტორიაზე ასაფეთქებლად.
ამ დროისათვის ხელისუფლება ელოდება დანარჩენი მობილურების გახსნას, რომელიც მოიპოვეს შესაბამისმა სამსახურებმა.
მათში შეიძლება აღმოჩნდეს მასალები, რომელთა საშუალებითაც სხვა სამიზნეების, ან კონკრეტული პირების გაშიფვრა იქნება შესაძლებელი.
როგორც ინფორმირებული წყაროები იტყობინებიან შესაძლოა ამ კონკრეტული საქმის გამოძიების შემდეგ სხვა დაპატიმრებებიც მოხდეს.
