ყველაზე კარგად შემონახული ძველი ბერძნული სახლები დღეს

საბერძნეთში კლასიკური და ელინისტური პერიოდის საუკეთესოდ შემონახული უძველესი სახლები გვხვდება ეპირუსის ძველ ქალაქ ორაონში (ჰორეუმში).

გვიანი კლასიკური პერიოდის ამ  შემონახული ნაგებობიდან გვხვდება როგორც კერძო სახლები, ასევე  საზოგადოებრივი ნაგებობები.

ორაონში შემორჩენილი სახლების უმეტესობა კვლავ ორსართულიანია და ქუჩის გეგმა ჯერ კიდევ ჩანს. ქალაქის გეგმაში ჩრდილოეთით და სამხრეთით თორმეტი ვიწრო პარალელური ქუჩა ორ განიერ ქუჩას კვეთს.

ძველ საბერძნეთში ორაონის დასახლება შედგებოდა ადგილობრივი კირქვით ნაგები ასი სახლისგან. დღეისათვის შემორჩენილი სახლების რამდენიმე ნაწილი, რომლებიც დგას, მთლიანად ქვისგან არის აშენებული.

ქალაქ ორაონში ყველა იყენებდა ცისტერნას. ცისტერნა მდებარეობდა მთავარ კარიბჭესთან, ქალაქის ჩრდილო-აღმოსავლეთ ნაწილში, რომელიც ქალაქის ყველაზე მაღალი ადგილი იყო. ცისტერნის ირგვლივ მდებარეობდა დამცავი  კედელი და კიბეები.

კიბეები ქალაქის  მაცხოვრებლებს ავზზე ასვლის საშუალებას აძლევდა, რათა გაესუფთავებინათ და წყალი მიეღოთ.  დამცავი კედელი აგებული იყო სწორკუთხა ქვებით, კირქვით და ცისტერნაზე მაღალი იყო, რათა ხალხს ავზში ნაგავი არ  გადაეყარა და არ დაებინძურებინა.

აქ შემორჩენილია უმეტეს შემთხვევაში მხოლოდ საზოგადოებრივი შენობები, როგორიცაა ტაძრები, აუდიტორიები, სტადიონები, ორაკულები, ბაზრები და სასაფლაოები, რომლებიც იდეალურ მდგომარეობაშია. კერძო სახლები, როგორც წესი, არც თუ ისე კარგად არის შემონახული და უმეტეს შემთხვევაში, არქეოლოგებს მხოლოდ მათი საძირკვლის პოვნა შეუძლიათ.

ორაონი დაარსდა ჩვენს წელთაღრიცხვამდე IV საუკუნის ბოლოს. ქალაქის  გამორჩეული თვისება მისი თავდაცვითი ხასიათი იყო. ადგილ-ადგილ კოშკებით გამაგრებული მასიური კედლებით და წყლის შესაგროვებელი ცისტერნით,  ქალაქი-სიმაგრე სტრატეგიულ პოზიციაზე მდებარეობდა, რომელიც იცავდა გადასასვლელს ამვრაკიკოსის ყურიდან იანინის აუზამდე, მოლოსოსის ტერიტორიაზე.

ორაონი დაანგრიეს რომაელებმა ძვ.წ. 167 წელს, თუმცა შემდგომში ისევ აღადგინეს, რის შემდეგაც ადგილობრივი მოსახლეობა აიძულეს საბოლოოდ მიეტოვებინათ იგი და  დასახლებულიყვნენ ნიკოპოლისში ძვ.წ. 31 წლის შემდეგ.

უძველესი ნიკოპოლისი, რომელიც მდებარეობს პრევეზას მახლობლად, ეპირუსის დასავლეთ ნაწილში, არის კარგად შემონახული არქეოლოგიური ადგილი. ეს არის უძველესი ქალაქი ოდეუმით, თეატრით, კედლებით და მრავალი სხვა რელიქვიით.

რამდენიმე წლის წინ საბერძნეთის ხელისუფლებამ ააშენა ნიკოპოლისის თანამედროვე  არქეოლოგიური მუზეუმი, რომელიც მასპინძლობს რამდენიმე საინტერესო გამოფენას მთელი წლის განმავლობაში.