შრომისა და სოციალური უზრუნველყოფის სამინისტრო ადგილობრივ და საზღვარგარეთ დაფუძნებულ ბერძენ ბიზნესმენთა შორის შეხვედრას გეგმავს
შრომისა და სოციალური უზრუნველყოფის სამინისტრო ადგილობრივ და საზღვარგარეთ დაფუძნებულ ბერძენ ბიზნესმენთა შორის შეხვედრას გეგმავს
პირეას სავაჭრო-სამრეწველო პალატის მიერ გავრცლებული ინფორმაციის თანახმად საბერძნეთის შრომის ბაზარი უფრო და უფრო კონკურენტუნარიანი ხდება.
შრომის სამინისტროს მიერ ორგანიზებული ღონისძიების “Rebrain Greece” ფარგლებში ერთმანეთს შეხვდებიან ინგლისში დაფუძნებული ბერძნები, რომლებსაც სამშობლოში არაერთი ბიზნესი აქვთ და ადგილობრივი ბიზნესმენები.
ღონისძიება ლონდონში, Hilton London Metropole-ში 9 მაისს გაიმართება, რომელსაც დაესწრება შრომისა და სოციალური უზრუნველყოფის მინისტრი ნიკი კერამეოსიც.
პალატა აცხადებს, რომ ის აქტიურად უჭერს მხარს ინიციატივებს, რომლებიც ნიჭიერი ადამიანების რეპატრიაციის უფრო ფართო სტრატეგიის ნაწილია.
ახალი ინიციატივები, სტარტაპები და ინვესტიციები სამშობლოში საზღვარგარეთ დაფუძნებული ბერძნების მხრიდან, ქმნიან ახალი ხელფასების ლანდშაფტსაც.
ფინანსების სფეროში ხელფასები 2940 ევროს უტოლდება, IT და კონსულტაციის 2324 ევროს, კვლევისა და განვითარების სფეროში 2175 ევროს აღწევს, ხოლო ფარმაცევტულ წარმოებაში კი 2108 ევროს.
ხელფასების ზრდა პირდაპირ კავშირშია სპეციალიზებული პერსონალის ნაკლებობასთან, ასევე ტექნოლოგიურ განვითარებასთან, როგორიცაა ხელოვნური ინტელექტი, რაც ზრდის მაღალკვალიფიციურ მუშაკებზე მოთხოვნას.
