ჩვენ რომ არ დაგვეწყო გამოძიება საქმე აქამდე ვერც მივიდოდა – აცხადებს მურძუკუს ადვოკატი

ჩვენ რომ არ დაგვეწყო გამოძიება საქმე აქამდე ვერც მივიდოდა – აცხადებს მურძუკუს ადვოკატი

ქვედა ახაიასა და ამალიადაში ჩვილი ბავშვების უეცარი გარდაცვალების გამომწვევი გარემოებების დასადგენად გამოძიება უკვე ატიკის უშიშროების დეპარტამენტმა დაიწყო.

გამომდინარე აქედან საჭიროა საქმესთან დაკავშირებული ყველა პირის თავიდან დაკითხვა. დაკითხავენ ექიმებსაც პატრადან, ამალიადადან და ათენიდან, რომლებსაც უშუალო კავშირი ჰქონდათ ჩვილი ბავშების მკურნალობის პროცესთან.
Πελοπόννησο-სთან საუბრისას ირინი მურძუკუს ადვოკატმა, რულა დიმიტრიადუმ განაცხადა: “ჩემი კლიენტის თხოვნის საფუძველზე ჩვენვე რომ არ დაგვეწყო გამოძიება ჩვილი ბავშვების გარდაცვალების მიზეზების დასადგენად დღეს ამ საქმით არავინ იქნებოდა დაინტერესებული. მე სრულიად ვენდობი ატიკის უშიშროების სამსახურს, ეჭვი არ მეპარება მათ გამოცდილებაში და ვთვლი, რომ გამოძიების საფუძველზე ნათელი მოეფინება საქმის ბევრ ბნელ წერტილს. კიდევ ერთხელ ვაცხადებ, რომ ჩემი კლიენტის შვილების გარდაცვალების მიზეზად არ სახელდება მკვლელობა. მათი გარდაცვალება ჯანმრთელობის პრობლემებთან იყო დაკავშირებული და ეს ექსპერტიზამ დაადასტურა კიდეც.”