ხანძრის გაჩენის მაღალი რისკია საბერძნეთის 3 რეგიონში

ხანძრის გაჩენის მაღალი რისკია საბერძნეთის 3 რეგიონში

კლიმატის კრიზისისა და სამოქალაქო დაცვის სამინისტროს გენერალური სამდივნოს მიერ გამოქვეყნებული რუქის მიხედვით (civilprotection.gov.gr), დღეს, ორშაბათს, 29 ივლისს, ხანძრის გაჩენის ძალიან მაღალი რისკია შემდეგ რეგიონებში: 

• ათენი
• ვიოტია, ევია, ფთიოტიდა
• პელოპონისო, კერძოდ: კორინთია, არღოლიდა.

კლიმატის კრიზისისა და სამოქალაქო დაცვის სამინისტროს გენერალურმა მდივანმა სრული მობილიზებისკენ მოუწოდა სახანძრო-სამაშველო ბრიგადას, აღნიშნული რეგიონების მოსახლეობასა და სამართალდამცავ ორგანოებს, რათა ხანძრის გაჩენის შემთხვევაში დაუყოვნებლივ მოახდინონ რეაგირება და ცეცხლის განეიტრალება.

იმ შემთხვევაში თუ მოსახლეობა შენიშნავს ხანძარს აუცილებლად შეატყობინონ სახანძრო-სამაშველო ბრიგადას ნომერზე: 199.