ჰიდრა: ბრედ პიტის ფილმის გადაღების პროცესთან დაკავშირებით ტაქსის მძღოლები უკმაყოფილებას გამოხატავენ
ჰიდრა: ბრედ პიტის ფილმის გადაღების პროცესთან დაკავშირებით ტაქსის მძღოლები უკმაყოფილებას გამოხატავენ
გაუთვალისწინებელი დაბრკოლების წინაშე აღმოჩნდა ბრედ პიტის ფილმის გადამღები ჯგუფი დღეს დილით, როცა საზღვაო ტაქსის მძღოლებმა მტკიცე უარი განაცხადეს სატრანსპორტო საშუალებების პორტიდან გაყვანასთან დაკავშირებით.
protothema.gr-თან საუბრისას ტაქსის მძღოლებმა უკმაყოფილება გამოხატეს და განაცხადეს, რომ გადამღებ ჯგუფს ოფიციალურად არ უთხოვია და არც განცხადებით მიუმართავს ტაქსის მძღოლებისთვის და გზა რომელიც ჯგუფმა აირჩია მათთვის მიუღებელია:
“ჩვენ თანხა არ მოგვითხოვია. არც გადამღებმა ჯგუფმა და არც რომელიმე პასუხისმგებელმა ორგანომ შეგვატყობინა გადაღებების დაწყებასთან დაკავშირებით, რომ წინასწარ გვცოდნოდა და დაგვეგეგმა ჩვენი მარშრუტები და ახლა უეცრად გვთხოვენ გადავიყვანოთ საზღვაო ტაქსები, რადგან გადაღებას ხელს ვუშლით. გამორიცხულია დავემორჩილოთ მოთხოვნას.”
ამავდროულად, წყლის ტაქსების მფლობელები აღნიშნავენ, რომ გადამღებმა ჯგუფმა სათანადო კომპენსაცია გადაუხადა ყველა მაღაზიის მეპატრონეს, რომლებსაც პორტში თავიანთი მაღაზიები დაკეტილი აქვთ გადაღებების საჭიროებისთვის.
თუმცა, როგორც ისინი ამბობენ, წყლის ტაქსებთან შესაბამისი კომუნიკაცია არ ყოფილა.
