2023 წლის ოქტომბერი-ყველაზე თბილი ოქტომბერი ისტორიაში
ევროპის კოპერნიკის ობსერვატორიის მიერ გამოქვეყნებული მონაცემების თანახმად, წლევანდელი ოქტომბერი ყველაზე თბილი იყო მათ შორიც, რაც კი აქამდე ოდესმე პლანეტაზე დაფიქსირებულა.
ახალი გამოწვევები, როგორიცაა გვალვა, შიმშილი, დამანგრეველი ხანძრები და ძლიერი ქარიშხლები ადასტურებს დუბაიში, არაბთა გაერთიანებულ საემიროებში ჩატარებული, გაერთიანებული ერების ორგანიზაციის კლიმატის ცვლილების ჩარჩო კონვენციის მხარეთა 28-ე კონფერენციაზე, მეცნიერთა მიერ გაკეთებულ გაფრთხილებებს გლობალური დათბობის და ამით გამოწვეული მოსალოდნელი ბუნებრივი კატაკლიზმების შესახებ.
ობსერვატორია დასძენს, რომ წლევანდელი ოქტომბრის საშუალო ტემპერატურა იყო უფრო თბილი, ვიდრე ნებისმიერი ოქტომბრის 1850-1900 წლებში, ანუ პრეინდუსტრიულ პერიოდამდე, მანამდე, სანამ დაიწყებოდა საწარმოო სამანქანო მრეწველობის განვითარების კვალდაკვალ ადამიანის მიერ შექმნილი სათბურის ეფექტი.
როგორც არასდროს, 2023 წელი უახლოვდება პარიზის შეთანხმების საეტაპო ზღვარს (+1,5°C). მოსალოდნელია, რომ გაეროს კლიმატის ცვლილების კონფერენცია შეაფასებს მის განხორციელების ძალისხმევას და თუ ეს შესაძლებელია, მიიღებს პირველ მაკორექტირებელ ზომებს.
