24 მაისს სალონიკში უმცირესობების დისკრიმინაციის წინააღმდეგ საპროტესტო მსვლელობა იგეგმება
24 მაისს სალონიკში უმცირესობების დისკრიმინაციის წინააღმდეგ საპროტესტო მსვლელობა იგეგმება
Reclaim Pride Thessaloniki-ის მე-9 მსვლელობისა და ჰომოფობიის წინააღმდეგ ბრძოლის საერთაშორისო დღის ფარგლებში სალონიკში მსვლელობა გაიმართება 24 მაისს, უმცირესობების მიმართულებით წამოსული დისკრიმინაციული ქმედებების გასაპროტესტებლად.
საპროტესტო აქციის მონაწილეები მსვლელობას ფერადი დროშებით ხელში გაუძღვებიან საბოლოო თავშეყრის ადგილისკენ, თეთრი კოშკისკენ.
შეგახსენებთ, რომ 17 მაისი აერთიანებს იმ საერთაშორისო ღონისძიებებს, რომლებიც ამ დღეს იმართება და ემსახურება ლგბტ უფლებების შესახებ ცნობიერების ამაღლებას მსოფლიო მასშტაბით და გმობს ძალადობას.
ჰომოფობიასთან ბრძოლის დღე თავდაპირველად აიდაჰოს კომიტეტმა დააფუძნა; მიზანი სხვადასხვა ქვეყნებში დემოკრატიული ქმედებების კოორდინირება იყო, აგრეთვე ამ დღის მხარდაჭერა და ოფიციალური აღიარება. თარიღი არჩეულ იქნა სიმბოლურად, სწორედ ის დღე, როდესაც 1990 წელს ჯანდაცვის მსოფლიო ორგანიზაციამ ჰომოსექსუალობა დაავადებათა საერთაშორისო კლასიფიკაციიდან ამოიღო.
