დაღესტანი: საშინელი სცენა აეროპორტში-ისინი ეძებდნენ ისრაელის მოქალაქეებს და ყვიროდნენ “ალაჰ აკბარ”

რუსეთის ფედერაციის დაღესტნის რესპუბლიკის ქალაქ მახაჩკალას აეროპორტში კვირას ძალადობრივ შეჭრაში ბრალდებული 60 ადამიანი დააკავეს. ინციდენტის შედეგად დაშავდა ცხრა პოლიციელი. ინფორმაციას რუსეთის ხელისუფლება ავრცელებს.

“არეულობის ყველაზე აქტიური 150-ზე მეტი მონაწილე იდენტიფიცირებულია, ხოლო 60 მათგანი დაკავებული.”- აცხადებს რუსეთის შინაგან საქმეთა სამინისტროს პრესსამსახური.

კვირას ათობით მამაკაცი შეიჭრა მახაჩკალას აეროპორტის ტერმინალში და ასაფრენ ბილიკზე და ეძებდა მგზავრებს ისრაელის რეისზე.

ვიდეოებში, რომელთა ავთენტურობა უშიშროების სამსახურმა დაუყოვნებლივ ვერ გადაამოწმა, ნაჩვენებია, რომ შეჭრილები ცდილობენ გააკონტროლონ მანქანები, ითხოვენ მგზავრების პირადობის დამადასტურებელ დოკუმენტებს, აიძულებენ ტერმინალის კარის გაღებას და უახლოვდებიან თვითმფრინავს ასაფრენ ბილიკს.

მას შემდეგ, რაც სამართალდამცავები ჩაერივნენ,  რუსეთის სამოქალაქო ავიაციის სამსახურმა განაცხადა, რომ ადგილობრივი დროით 22:20 საათზე აეროპორტი უკვე გათავისუფლებული იყო იმ მოქალაქეების მიერ, რომლებიც შეიჭრნენ ტერიტორიაზე.

ჯერ კიდევ გაურკეველია გაფრინდა თუ არა თვითმფრინავი უკან და რა მდგომარეობაში არიან მგზავრები. რუსეთის სამოქალაქო ავიაციის სამსახურის ცნობით, აეროპორტი 6 ნოემბრამდე დაკეტილი იქნება.