Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
კრიმინალისაბერძნეთისაზოგადოება

კალითეა: 8 წლის გოგონამ მთელი ღამე პოლიციის განყოფილების დერეფანში, სკამებზე გაატარა

რამდენიმე დღის წინ კალითეას პოლიციის სამმართველოში, ოჯახური ძალადობის მსხვერპლ 8 წლის გოგონას შუადღიდან მეორე დილამდე განყოფილებაში გაატარებინეს. ინფორმაციის მიხედვით, მშიერ ბავშვს დერეფანში, პლასტმასის სკამებზე ეძინა.

ბავშვის მეურვეების თქმით, პოლიციის თანამშრომელი ამტკიცებდა, რომ პროკურატურაში ვერავინ იპოვეს, შემდგომი  შესაბამისი პროცედურების დასანიშნად, რის გამოც ბავშვი პოლიციის განყოფილებაში დატოვეს.

გავრცელებული ცნობით, ამ დრომდე არ არის დაზუსტებული მიზეზი, თუ რატომ არ შეატყობინეს ვინმეს, წაეყვანათ ბავშვი და ღამე კალითეას პოლიციის განყოფილებაში არ გაეთია. ამავე ინფორმაციით, არავის მოსვლია აზრად, ბავშვისთვის საკვები მიეცა. ბავშვის აღმზრდელი მშობლები და მისი ბიოლოგიური დრდაც დაკავებულები იყვნენ პოლიციის მიერ და ფიზიკურად არ შეეძლოთ მისთვის ყურადღების მიქცევა.

აქვე პროკურატურიდან გაცემული იყო შესაბამისი ბრძანება, რომ ეცნობებინათ ბავშვის ოჯახის რომელიმე წევრისთვის, რომ გაეყვანათ ის პოლიციის განყოფილებიდან, რაც მეორე დილამდე არ გაკეთებულა.

ყველაფერი იქიდან დაიეყო, როდესაც ბავშვის ბიოლოგიურმა მამამ ბიოლოგიური დედის მიერ შვილზე ძალადობის და მისი ცემის ფაქტის შესახებ პოლიციას შეატყობინა, რის შემდეგაც 8 წლის ბავშვი მინდობილობით აღმზრდელ ოჯახში იქნა გადაყვანილი.

2023 წლის თებერვალში ბავშვის ბიოლოგიურ დედას, უზბეკეთის 40 წლის მოქალაქეს 18 თვით თავისუფლების აღკვეთა მიუსაჯეს, 2023 წლის ოქტომბერში კი სასამართლოს ახალი გადაწყვეტილებით დედას ისევ მიეცა შვილზე მეურვების განხორციელების უფლება, იმ პირობით, რომ ის არასრულწლოვანებზე პასუხისმგებელ სამსახურებთან ითანამშრომლებდა.

საბოლოოდ ბავშვი მასზე მეურვეობის განხორციელების უფლებისთვის დაპირისპირებულ ბიოლოგიურ დედას და აღმზრდელ მშობლებს შორის დავის მსხვერპლი გახდა და შედეგად დაწყებული შეხლაშემოხლის დასასრულს 8 წლის მოზარდი დედასთან და აღმზრდელებთან ერთად პოლიციის განყოფილებაში აღმოჩნდა.

ამ დრომდე უცნობია პროკურორის რომელი ბრძანებით დააკავეს ბავშვი კალითეას იზოლატორში ან რომელმა პოლიციელმა დაავალა ბავშვის იქ დარჩენა სავალალო პირობებში.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *