ხალკიდიკი: ტურისტული საცხოვრებლის მფლობელი კლიენტებს ფარული კამერებით იღებდა

პოლიგიროს უსაფრთხოების დეპარტამენტმა ხალკიდიკის ტურისტულ საცხოვრებელში პერსონალური მონაცემების დარღვევის საქმეზე საფუძვლიანი გამოძიება ჩაატარა.

ტურისტული საცხოვრებლის მფლობელი მამაკაცის მიმართ პერსონალური მონაცემების შესახებ კანონმდებლობის დარღვევისა და სატელეფონო კომუნიკაციისა და სატელეფონო  საუბრის  კონფიდენციალურობის ხელყოფის ფაქტზე  საქმე აღიძრა.

კერძოდ, საჩივრის კონტექსტში გაირკვა, რომ ტურისტული საცხოვრებლის ზემოაღნიშნული მესაკუთრე ამ საცხოვრებლის ოთახებში ფარულ კამერებს ამონტაჟებდა, რათა უკანონოდ გადაეღო შესული პირების პირადი მომენტები.

ამ დროისათვის ჩატარებული გამოძიებით დადგინდა, რომ მან 27 პირი დააფიქსირა, აქედან 13 იდენტიფიცირებულია.

გამოძიების ფარგლებში ამოღებულია: 6 ფარული კამერა შენიღბული როგორც მობილური ტელეფონის დამტენი, 8 მეხსიერების ბარათი, 1 გარე სათვალთვალო კამერა, 1 ციფრულ მონაცემთა შესანახი ერთეული, ასევე ლეპტოპი, პლანშეტი და მობილური ტელეფონი.

მამაკაცის წინააღმდეგ აღიძრა საქმე და  პოლიგიროს პირველი ინსტანციის პროკურორს გადაეცა.