ლაზაროს ლასკარიდის მდგომარეობა კრიტიკულია, ის აივნიდან გადავარდა
კალითეას მერის მოადგილე ლაზაროს ლასკარიდი ხუთშაბათს ღამით მძიმედ დაშავდა.
შემთხვევა კალითეაში, ახალგახსნილი ბიბლიოთეკის პრეზენტაციის აღმნიშვნელ საზეიმო წვეულებაზე მოხდა.
ერთ მომენტში, პრეზენტაციაზე მყოფი ლაზაროს ლასკარიდი შენობის აივანზე გავიდა და როდესაც მოაჯირს დაეყრდნო მოაჯირი მოწყდა და 2,5- 3 მეტრის სიმაღლიდან გადავარდნილი მამაკაცი ზურგით დაეცა.
შემთხვევის ადგილზე მისულ სასწრაფო დახმარების მანქანას მაშველების დახმარება დასჭირდა, რათა დაშავებული საკაცით რეანომობილამდე მიეყვანათ , რადგან დაცემის ადგილი ძნელად მისადგომი იყო.
ლაზაროს ლასკარიდმა თავის და გულმკერდის არეში მძიმე დაზიანება მიიღო.
დაცემის დროს განვითარებული ჰემატომის გამო მას სასწრაფოდ ჩაუტარდა ოპერაცია. დაზარალებული ამ დროისთვის მართვით სუნთქვაზეა და მომდევნო 24 საათის განმავლობაში მისი მდგომარეობა კრიტიკული რჩება.
