ლამია: 2,5 თვის ჩვილი დაიღუპა

ლამია: 2,5 თვის ჩვილი დაიღუპა

შაბათს გამთენიისას, ექიმების თავდაუზოგავი მცდელობის მიუხედავად, ლამიას საავადმყოფოში 2,5 თვის ჩვილის გადარჩენა ვერ შეძლეს. 

Lamia Report-ის მიერ გავრცელებული ინფორმაციის თანახმად გამთენიის 06:00 საათზე არასრულწლოვანმა დედამ მისი 2,5 თვის შვილი ლამიას საავადმყოფოს გადაუდებელ განყოფილებაში მიიყვანა. ჩვილს ვირუსის სიმპტომები ჰქონდა, მათ შორის დიარეა.

პირველადი სამედიცინო ჩარევის შემდეგ ექიმებმა ჩვილის საავადმყოფოში სამკურნალოდ დატოვების გადაწყვეტილება მიიღეს, რადგან 1 ივლისს ბავშვი გასტრიტის სიმპტომებით იმყოფებოდა ბავშვთა საავადმყოფოში, შესაბამისად ყოველგვარი რისკის თავიდან ასარიდებლად უმჯობესი იყო ჩვილის საავადმყოფოში დატოვება. 

სანამ ჩვილს პალატაში განათავსებდნენ დედამ გადაწყვიტა შვილისთვის რძე მიეცა, მიუხედავად ექიმების მკაცრი გაფრთხილებისა, რომ არ შეიძლებოდა ბავშვის გამოკვება სანამ არ დაასრულებდნენ გამოკვლევების ჩატარებას.

კვებისას ჩვილმა გონება დაკარგა და მიუხედავად ექიმების თავდაუზოგავი შრომისა მისი გადარჩენა ვერ მოხერხდა.