მიკონოსზე მიგრანტებით სავსე ნავი ჩაიძირა: სამი ადამიანი გარდაცვლილი იპოვეს

კუნძულ მიკონოს მახლობლად არალეგალი  მიგრანტებით  სავსე ნავი ამოტრიალდა და ჩაიძირა, შემთხვევას სამი ადამიანი- მამაკაცი და ორი ქალი ემსხვერპლა, ისინი ნავის ჩაძირვის შედეგად გარდაცვლილები იპოვეს.

სამძებრო-სამაშველო ოპერაცია სანაპირო დაცვის კატარღებით, 2 ვერტმფრენით და სახმელეთო მანქანებით დილიდან დაიწყო მას შემდეგ, რაც  კუნძულ მიკონოს ჩრდილო-აღმოსავლეთით საზღვაო ზონაში ორი მიგრანტი, სირიელი და პალესტინელი აღმოაჩინეს,  რომლებიც სავარაუდოდ სხვა ადამიანებთან ერთად  ამოტრიალებულ ნავზე იმყოფებოდნენ.

როგორც თავად მიგრანტებმა განაცხადეს, რომლებიც გადაარჩინეს და კუნძულის პორტში უსაფრთხოდ გადაიყვანეს, ჩაძირულ ნავზე სულ 17 ადამიანი იმყოფებოდა, მათ შორის 4-5 ქალი და 7 წლის ბავშვი.

შემთხვევის ადგილზე მუშაობს პორტის კორპუსის ორი კატარღა, ორი ვერტმფრენი (ერთი სანაპირო დაცვის და ერთი საჰაერო ძალები), წყალქვეშა მისიების ჯგუფის ეშელონი, ღია ზღვის გემი და სახმელეთო მანქანები.