კრიტი:იპოვეს 48 წლის ქალი, რომელიც ლოკოკინების შესაგროვებლად წასული უცნაურ ვითარებაში გაუჩინარდა

გასულ შაბათს, კრიტზე, ვათიპეტროს ოლქში, უცნაურ ვითარებაში დაკარგული ქალი,  ელენი პრინიოტაკი, სამძებრო- სამაშველო ჯგუფის წევრებმა დღეს, შუადღისას ცოცხალი და უვნებელი, იმავე ტერიტორიაზე იპოვეს საიდანაც გაუჩინარდა.

შემთხვევის ადგილზე სასწრაფო დახმარების ბრიგადა  მივიდა და იგი საავადმყოფოში, პროფილაქტიკური გამოკვლევების ჩასატარებლად გადაიყვანეს.

ქალი გასულ შაბათს, შუადღისას, ქმართან და ქალიშვილთან ერთად წავიდა აღნიშნულ ტერიტორიაზე ლოკოკინების შესაგროვებლად, საიდანაც  მისი კვალი დაიკარგა.

მასთან დაკავშირება ვერ შეძლეს, რადგან თან მობილური ტელეფონი არ ჰქონდა.

მაშინვე მოხდა პოლიციისა და მოხალისე მაშველების მობილიზება.

ოთხი დღის უშედეგო ძებნის შემდეგ დღეს,ოთხშაბათს შენიშნეს, რომ  იგი იმავე ადგილას გადაადგილდებოდა საიდანაც დაიკარგა.

სახანძრო დეპარტამენტის მიერ წარმოებულ სამძებრო ღონისძიებაში  მონაწილეობდა მოლაშქრეთა ჯგუფი, ასევე მაშველები, სპეციალურად გაწვრთნილი ორი ძაღლით და დრონებით აღჭურვილი.