ნავპლიო: მეგონა რომ მესიჯი გავუგზავნე ზრდასრულ ადამიანს, აცხადებს ბრალდებული მღვდელი
40 წლის მღვდელი ნავპლიოდან, რომელიც არასრულწლოვანის მიმართ განხორციელებულ უხამს ქმედებაშია ბრალდებული დაჟინებით ამტკიცებს, რომ აღნიშნული ვიდეო, რომელიც მან მოზარდს გაუგზავნა, სულ სხვა ადრესატისთვის იყო განკუთვნილი.
მისი ადვოკატის მეშვეობით პრესასთან გაკეთებულ განცხადებაში ის უარყოფს ზოგადად არასრულწლოვანებთან მსგავსი ხასიათის რაიმე ურთიერთობას, გარდა ამ ერთი კონკრეტული შემთხვევისა, როდესაც სულ სხვა, ზრდასრული ადამიანისთვის განკუთვნილი მესიჯი შეცდომით 12 წლის მოზარდს გაუგზავნა, რადგან ორივეს ერთი და იგივე სახელი ერქვათ.
შეგახსენებთ, რომ აღნიშნული ფაქტი მაშინ გახდა ცნობილი, როდესაც არასრულწლოვანის მშობლებმა პოლიციას მიმართეს, რადგან ბავშვის მობილურ ტელეფონში ნახეს ვიდეომესიჯი, რომელშიც მღვდელი წელს ზემოთ შიშველ მდგომარეობაში მყოფი იყო დაფიქსირებული.
” ეს კონკრეტული შემთხვევა ლოგიკურ გაგრძელებას ჰპოვებს, არ შეიძლება მსგავსი ამორალური ფაქტი შესაბამისი რეაგირების გარეშე დავტოვოთ, შესაძლოა ამ ნაბიჯით სექსუალური ხასიათის ძალადობას გადავარჩინოთ ის ბავშვები, რომელთაც მსგავსი შემთხვევები ჰქონდათ, ანდა შესაძლებელია ჰქონდეთ მომავალში, მაგრამ ამის შესახებ ხმამაღლა არ საუბრობენ.
კარგია, რომ ჩემმა შვილმა მაშინვე გაამხილა მომხდარის შესახებ”-აცხადებს 12 წლის მოზარდის დედა.
40 წლის მღვდლის წინააღმდეგ სექსუალური ხასიათის უხამსობის მუხლით აღიძრა საქმე და ის დროებითი დაკავების იზოლატორში იმყოფება.
