სასამართლოს თანამშრომელი მოძრავი რკინის საქაღალდის გახსნისას დაშავდა

სასამართლოს თანამშრომელი მოძრავი რკინის საქაღალდის გახსნისას დაშავდა

ათენის სასამართლო მოხელეთა ასოციაცია მოითხოვს გატარდეს ზომები სიცოცხლისა და ჯანმრთელობის უსაფრთხოების დასაცავად. 

აღნიშნული მოთხოვნა ერთ-ერთი სასამართლო მოხელის დაშავების შემთხვევას მოჰყვა, რომელიც სამსახურეობრივი მოვალეობის შესრულებისას ცდილობდა სასამართლოს სარდაფში არსებული არქივიდან საქმე მოეძიებინა. მოძრავი საქაღალდის გახსნის მცდელობისას კი სახელური მოწყდა, თანამშრომელი წაიქცა და რკინის საქაღალდე ზედ დაეცა.

“19 სექტემბერს ჩვენი კოლეგა სამსახურეობრივი მოვალეობის შესრულების დროს დაშავდა. დაშავებულის საავადმყოფოში გადაყვანა გახდა საჭირო, სადაც დადგინდა, რომ დაშავებულს მაჯის არეში აღენიშნება მოტეხილობა.

ეს არ არის პირველი უბედური შემთხვევა რომელიც სასამართლოს სარდაფში მოხდა. არქივი შედგება ცუდად, ან საერთოდ უყურადღებოდ დატოვებული განყოფილებებისგან, ჰაერში გამოკიდებული ლითონის თაროებისგან. არქივში არის ცუდი განათება, ხვრელები ჭერში და არაიზოლირებული კაბელები. 

დეპარტამენტის ხელმძღვანელებისგან არაერთხელ არის წამოსული მოთხოვნა ზემოთ ჩამოთვლილი პრობლემატური საკითხების აღმოფხვრასთან დაკავშირებით. 

მოვითხოვთ დაუყოვნებლივ რეაგირებას.”