Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
საბერძნეთი

პატრა: მღვდელმა დაარწმუნა ქალი, რომელსაც დეპრესია ჰქონდა შეეწყვიტა მედიკამენტების მიღება და მისი “განკურნება” ეგზორციზმის რიტუალით სცადა

საჩივარი აღიძრა პატრაში ერთ-ერთი მღვდლის მიმართ, რომელმაც ფსიქოლოგიური პრობლემების მქონე 32 წლის ქალი, რომელიც მძიმე ფორმის დეპრესიით იტანჯებოდა, დაარწმუნა შეეწყვიტა ფსიქიატრის მიერ დანიშნული შესაბამისი მედიკამენტოზური მკურნალობა, რადგან ის მისი თქმით “დემონური” ძალების ზეგავლენის ქვეშ იმყოფებოდა.

გავრცელებული ინფორმაციით    მღვდელი, რომელიც  ბოროტად სარგებლობს ფსიქიატრული პრობლემების მქონე პაციენტების ჯანმრთელობით, ერთ-ერთი ყველაზე  ცნობილი სასულიერო პირია და არ ყოყმანობს არათუ “ფსიქიატრიული რჩევების” მიცემას, არამედ ფსიქიკური დაავადებების მქონე ადამიანების „მკურნალობასაც“.

როგორც 32 ქალი აცხადებს, მამამ ვერ გაუძლო მის მძიმე ფსიქოლოგიურ  მდგომარეობას  და სანამ ის უკვე მკურნალობდა ფსიქიატრთან, მღვდელთან მიიყვანა, რომელმაც მას ურჩია  შეეწყვიტა მედიკამენტების მიღება, სპეციალური მარხვა დაეცვა და ეგზორციზმის მსგავსი რიტუალი ჩაუტარა, რადგან ქალს მისი თქმით “დემონი” ჰყავდა დაუფლებული.

ჟურნალისტის კითხვაზე, ხომ არ ითხოვა მღვდელმა მისგან თანხა, ქალმა კატეგორიულად უპასუხა, რომ არა,  თუმცა მისი თქმით  მამამ თავისი ნებით დატოვა „რაღაც“ ეკლესიისთვის.

ამის შემდეგ 32 წლის ქალმა  გარკვეული დროით შეწყვიტა ექიმის მიერ დანიშნული მკურნალობა და რა თქმა უნდა “დემონი“ არ გაქრა! მისი  მდგომარეობა კიდევ უფრო დამძიმდა და როგორც ის ამბობს, თვითმკვლელობის საფრთხის წინაშეც იდგა.

მან მაშინვე ისევ მიმართა ფსიქიატრს, რომელიც მომხდარი ფაქტით შოკირებული დარჩა. ქალმა კვლავ განაგრძო ექიმის მეთვალყურების ქვეშ მკურნალობა, რის შემდეგაც მისი მდგომარეობა სტაბილურ რეჟიმში ჩადგა.

პატრას სამედიცინო ასოციაციის პრეზიდენტის, ანა მასტორაკუს თქმით, მომხდარზე  ოფიციალური საჩივარი ჯერ არ გაკეთებულა.

ზოგადად კი ფსიქიატრები და ფსიქოლოგები ერთხმად აღნიშნავენ და ადასტურებენ, რომ ზოგიერთი მღვდელი არ ცნობს ფსიქოლოგიურ პრობლემებს როგორც დაავადებას და მათ გადაჭრას ეგზორციზმით და მსგავსი რელიგიური რიტუალებით ცდილობს.

 

 

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *