ტემპი-90წლის მამაკაცი კომპენსაციას ითხოვს

ითხოვს იმ მოტივით, რომ ტემპში მატარებლის შეჯახების შემდეგ მისი მინდორი სამძებრო-სამაშველო სამუშაოების დროს „გათელეს“ .

გავრცელებული   ინფორმაციით , ეს არის 90 წლის მამაკაცი, რომელიც არის მიმდებარე სასოფლო-სამეურნეო ფართის მფლობელი, სადაც  უბედური შემთხვევა მოხდა.

როგორც ის ამტკიცებს თავის სარჩელში , სამაშველო ოპერაციის დროს მისი ველი “გათელეს”, რამაც ზიანი მიაყენა.

ამავე წყაროს ცნობით, მის მიერ მოთხოვნილი თანხის ოდენობა 2000 ევროს შეადგენს.

სარჩელის შეტანა დაადასტურა ტემპის მერის მოადგილემ, გიორგოს ნიკოლაუმ, რომელმაც განაცხადა- „ჩვენ არ შეგვიძლია განვსაჯოთ თანამოქალაქე, მას აქვს ყველა კანონიერი უფლება, შეიტანოს სარჩელი. მაგრამ იყო ექსტრემალური მდგომარეობა, ტრაგედია და ცხადია მიმდებარე ტერიტორიის გამოყენების გარეშე სამაშველო ოპერაციების წარმართვა შეუძლებელი იყო.”

მოვლენების შემდგომი განვითარება სავარაუდოდ სასამართლოში გადაინაცვლებს.

შენობის სახურავზე ასული ასაკოვანი ქალი თავის მოკვლით იმუქრებოდა