Marfin-ის საქმესთან დაკავშირებული ორი ბრალდებული სასამართლოში გადაიყვანეს
Marfin-ის საქმესთან დაკავშირებული ორი ბრალდებული სასამართლოში გადაიყვანეს
10 ივლისს საღამოს Marfin-ის საქმეში ბრალდებული 2 პირი სასამართლოში გადაიყვანეს. ბრალდებულები შეიარაღებული დაცვის თანხლებით მიიყვანეს სასამართლოს შენობაში საღამოს 5 საათის შემდეგ. ბრალდებულთაგან ერთ-ერთს სახე დაფარული ჰქონდა, ხოლო მეორემ სრულიად ნეიტრალური სახით გაიარა გზა ავტომანქანიდან სასამართლოს შენობამდე ისე, თითქოს არ აწუხებდა მისკენ მიმართული ხალხის მზერა.
ბრალდებულები ორგანიზებული დანაშაულის წინააღმდეგ ბრძოლის დეპარტამენტის თანამშრომლებმა დააკავეს საბედისწერო ხანძრიდან 16 წლის შემდეგ. საქმე ეხება Marfin-ის ბანკის სტადიუს ქუჩაზე მდებარე ფილიალში გაჩენილ ხანძარს, რომელმაც 3 ბანკის თანამშრომლის სიცოცხლე იმსხვერპლა.
ბრალდებულები პოლიციამ კიფსელიდან და ხალანდრიდან აიყვანა პროკურორის მიერ გაცემული შესაბამისი განკარგულების შემდეგ. ამ დრომდე იძებნება კიდევ ერთი ბრალდებული, 46 წლის ქალი, რომლის დასაკავებლადაც საერთაშორისო ორდერია გაცემული და რომელიც სამართალდამცავი ორგანოების ხელთ არსებული ინფორმაციის თანახმად ბრიტანეთში იმყოფება.
