Latest news
საბერძნეთის პოლიცია 28 მილიონიანი საგადასახადო თაღლითობის საქმეს იძიებს ბულინგის მსხვერპლი 14 წლის მოზარდი თანაკლასელებზე შურისძიების მიზნით იარაღის შეძენის ფაქტზე დააკავეს ნევროკოპი: საბერძნეთის ყველაზე ცივი რეგიონი, სადაც აგვისტოშიც კი ტემპერატურა 8,8 გრადუსს არ სცდება საბერძნეთი: 25 ნოემბერს საყოველთაო გაფიცვა გამოცხადდა საგზაო მოძრაობის კოდექსი: სიახლეები ჯარიმების, მართვის მოწმობის ჩამორთმევისა და ახალბედა მძღოლებისთვ... სალონიკი შობისთვის ემზადება: შუშის ჭაღები, 56 ხის სახლი და გრანდიოზული კონცერტები OpenCar: ავტომობილის ნომრით შესაძლებელი იქნება გარბენის, ტექინსპექტირებისა და დაზღვევის შემოწმება პედიონ ტუ არეოსის პარკი საშობაოდ მორთეს ათენის მერი კიფსელის „წითელ ზონაში“ მოქცეული კორპუსების უსაფრთხოებაზე შეშფოთებას გამოთქვამს და მოსახ... ვრცელდება კადრები რომელშიც 24 წლის ქალის მკვლელობაში ეჭვმიტანილი ჩემოდნით ხალშია დაფიქსირებული
კვირა, ნოემბერი 22, 2026
საბერძნეთისაზოგადოება

საბერძეთი სატელეფონო თაღლითობის აღმოსაფხვრელად მკაცრ ზომების იღებს

საბერძეთი სატელეფონო თაღლითობის აღმოსაფხვრელად მკაცრ ზომების იღებს

საბერძნეთში სატელეფონო და ელექტრონული თაღლითობისთვის სისხლისსამართლებრივი პასუხისმგებლობის გამკაცრება იგეგმება. იუსტიციის მინისტრის, გიორგოს ფლორიდისის განცხადებით, შესაბამისი ინიციატივა პარლამენტში უკვე წარდგენილია და მისი მიღება დაახლოებით 15 ოქტომბრისთვის იგეგმება.

ახალი რეგულაციის მიხედვით, გარკვეულ შემთხვევებში, სატელეფონო და კომპიუტერული თაღლითობა დანაშაულის მძიმე კატეგორიაში, განსაკუთრებით მძიმე დანაშაულად (κακούργημα) დაკვალიფიცირდება, მიუხედავად იმისა, თუ რა ოდენობის მატერიალური ზიანი მიადგა დაზარალებულს. შესაბამისად, 120 000 ევროს ზიანის ზღვარი, რომელიც მოქმედი წესით განსაკუთრებით მძიმე დანაშაულის დასაკვალიფიცირებლად გამოიყენებოდა, კონკრეტულ შემთხვევებში აღარ იქნება გადამწყვეტი მნიშვნელობის.

კანონპროექტის მიხედვით, თუ პირი სხვა პირთან ჯგუფურად და პროფესიული საქმიანობის სახით ახორციელებს თაღლითობას და ამ მიზნით:

  • სარგებლობს დაზარალებულის ასაკობრივი ან გონებრივი მდგომარეობით განპირობებული მოწყვლადობით; ან
  • მსხვერპლში შიშს, დაბნეულობას ან დაუცველობის განცდას იწვევს,

მას შესაძლოა 8 წლამდე თავისუფლების აღკვეთა და ჯარიმა დაეკისროს.

თუ მიყენებული ზიანი ჯამურად 120 000 ევროს აღემატება, სასჯელი შესაძლოა 10 წლამდე თავისუფლების აღკვეთას და ჯარიმას ითვალისწინებდეს.

ანალოგიური ცვლილებები შედის კომპიუტერული თაღლითობის შემთხვევებშიც, მათ შორის, როდესაც უკანონო სარგებლის მიღების მიზნით ხდება საინფორმაციო სისტემაში უნებართვო ჩარევა, არასწორი ან არასრული ციფრული მონაცემების გამოყენება, მონაცემთა უკანონო შეცვლა, წაშლა ან გადაცემა, ასევე ფულადი სახსრების ან ფულადი ღირებულების გადატანისთვის განკუთვნილი პროგრამული უზრუნველყოფის უკანონო გამოყენება.

იუსტიციის მინისტრის განცხადებით, თავდაპირველი მოსაზრება, რომ ახალი რეგულაცია მხოლოდ ხანდაზმულ ან სხვა მოწყვლად პირებს დაიცავდა, შეიცვალა და ცვლილება ყველა დაზარალებულზე გავრცელდება.

მინისტრმა ასევე აღნიშნა, რომ აღნიშნული ცვლილების მიზანია მსგავსი დანაშაულების ჩამდენი პირებისთვის პასუხისმგებლობის გამკაცრება და მათი დაჯგუფებების წინააღმდეგ უფრო ეფექტიანი სისხლისსამართლებრივი რეაგირება.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *