მაზონაკისის გრადაცვალების საქმეში ერთ-ერთი ბრალდებული უარყოფს საზღვარგარეთ მილიონობით ევროს ანგარიშის არსებობას
მაზონაკისის გრადაცვალების საქმეში ერთ-ერთი ბრალდებული უარყოფს საზღვარგარეთ მილიონობით ევროს ანგარიშის არსებობას
გიორგოს მაზონაკისის გარდაცვალების საქმეზე ბრალდებული ექიმი ილიას თეოდოროპულოსი ადვოკატის მეშვეობით უარყოფს მედიაში გავრცელებულ ინფორმაციას, თითქოს მას უცხოეთის ბანკში მილიონობით ევროს ოდენობის დეპოზიტები აქვს.
ექიმის ადვოკატის, ტელოს აღაპინოსის განცხადებით, თეოდოროპულოსს საზღვარგარეთ არც თავის სახელზე და არც მის ინტერესებთან დაკავშირებული იურიდიული პირის სახელზე საბანკო ანგარიში არ აქვს. ადვოკატი გავრცელებულ ცნობებს „სრულიად ცრუ და უსაფუძვლო ინფორმაციას“ უწოდებს.
მისივე თქმით, მსგავსი ჭორები ზიანს აყენებს ექიმის რეპუტაციას და არღვევს უდანაშაულობის პრეზუმფციას, განსაკუთრებით იმ ფონზე, როდესაც სისხლის სამართლის საქმე ჯერ კიდევ მიმდინარეობს.
ადვოკატმა მედიას მოუწოდა, შეწყვიტოს გადაუმოწმებელი ინფორმაციის გავრცელება და უზრუნველყოს სიმართლის სათანადოდ აღდგენა.
