Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
მსოფლიო

აწესებს თუ არა ჩინეთი შეზღუდვებს კოსმეტიკაზე-რა ბედი ელის ყალბი პროდუქციის წარმოებას

საფრანგეთი და ჩინეთი შეთანხმდნენ, ერთად იმუშაონ კოსმეტიკური საშუალებების მარეგულირებელი ჩარჩოს გასაუმჯობესებლად, რათა დაიცვან როგორც ბაზარზე წვდომა, ასევე პროდუქციის უსაფრთხოება.

საფრანგეთის ფინანსთა სამინისტრომ შაბათს განაცხადა, რომ ორი ქვეყანა შექმნის ერთობლივ სამუშაო ჯგუფს, რომელიც წლის ბოლომდე საფრანგეთში პირველ შეხვედრას გამართავს და შეეცდება რეგულაციების ჰარმონიზაციას. განხილვის თემები იქნება ინტელექტუალური საკუთრების საკითხებში თანამშრომლობა, მათ შორის ინფორმაცია პროდუქციის შემადგენლობისა და ყალბი პროდუქტების შესახებ, ასევე იგეგმება სტანდარტებზე და ინსპექტირებაზე მუშაობა.

საფრანგეთის ფინანსთა მინისტრი ბრუნო ლე მაირი ჩინეთში იმყოფება, რათა განიხილოს ორ ქვეყანას შორის ეკონომიკური და ფინანსური თანამშრომლობის დეტალები.

ჩინეთთან დაკავშირებით ევროკავშირმა შეშფოთება გამოხატა ისეთი კოსმეტიკური კომპანიების, როგორიცაა L’Oreal და LVMH მიერ პროდუქციასთან დაკავშირებული დეტალური ინფორმაციის მიწოდებაზე ეკონომიკის მხრივ მსოფლიოში სიდიდით მეორე ადგილზე მყოფი ქვეყნისთვის.

კერძოდ, ჩინეთი აწესებს შეზღუდვებს, რომელიც აიძულებს კოსმეტიკურ კომპანიებს მიაწოდონ მონაცემები ინგრედიენტებიდან დაწყებული წარმოების პროცესის დეტალებამდე, ასევე ნედლეულის წარმომავლობაზე და პროდუქციის ზუსტი შემადგენლობაზე. ინფორმაციის დიდი ნაწილი გროვდება და ინახება მონაცემთა ბაზაში, რომელსაც მართავს ჩინეთის ხელისუფლება.

Bloomberg-ის (საფინანსო ბაზრებისა და ბიზნესსექტორის შესახებ საინფორმაციო მომსახურების მულტიმედიური დისტრიბუტორი კერძო კომპანია) მონაცემებზე დაყრდნობით, ევროპული კომპანიები შეშფოთებულნი არიან, რომ აღნიშნული რეგულაციის ფარგლებში ისინი შეიძლება აიძულონ გადასცენ სავაჭრო საიდუმლოებები პროდუქტის უსაფრთხოების საფარქვეშ.

თუმცა იგივე წყაროები აცხადებენ, რომ, არ არსებობს არანაირი მტკიცებულება იმისა, რომ ჩინეთი ბოროტად გამოიყენებს ინფორმაციას, რომელსაც აგროვებს კოსმეტიკური კომპანიებისგან.

ევროკავშირი, ისევე როგორც აშშ, დიდი ხანია ჩივიან, რომ ჩინეთში გარკვეულმა პოლიტიკამ და პრაქტიკამ შეიძლება გამოიწვიოს ტექნოლოგიებისა და ინტელექტუალური საკუთრების გადაცემა. თუმცა, ევროკავშირის კომპანიებს სხვა გზა არ აქვთ გარდა იმისა, რომ დაემორჩილონ რეგულაციებს, თუ მათ სურთ ჩინეთის ბაზარზე წვდომა.

 

 

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *