მან მეგობრის მანქანაში გასართობად 12 კილო დინამიტი ჩადო და მიიმალა
ფინეთის პოლიციამ წარმოუდგენელი მიზეზით დააკავა მამაკაცი, რომელმაც მეგობრის მანქანაში “ხუმრობით” დინამიტი ჩადო.
კერძოდ, ფინელმა, რომლის ვინაობის შესახებ დეტალები არ ვრცელდება, მეორე მამაკაცის კუთვნილ ავტომანქანაში 12 კილოგრამი დინამიტი ჩადო. როგორც პოლიციამ დაადასტურა, მამაკაცები არა მხოლოდ იცნობდნენ ერთმანეთს, არამედ კარგი მეგობრებიც არიან.
როდესაც ის დააკავეს, მან აღიარა თავისი ქმედება და თქვა რომ უბრალოდ მეგობარს გაეხუმრა და ეს ყველაფერი მხოლოდ გასართობად გააკეთა.
თუმცა, მანქანის მფლობელს ალბათ სახუმაროდ არ ჰქონდა საქმე, როცა დინამიტი აღმოაჩინა და პოლიცია გამოიძახა. პოლიციის განმარტებით მანქანაში დინამიტის გარდა აღმოჩენილი იქნა დეტონატორებიც.
ასაფეთქებელი ნივთიერების გასანეიტრალებლად პოლიციამ მთელი ოპერაცია მოაწყო, რომელმაც შესაძლო დაზიანებების თავიდან ასაცილებლად მიმდებარე შენობებისა და სახლების ევაკუაცია მოახდინა.
პოლიციამ გამორიცხა, რომ ეს ტერორისტული აქტი იყო. როგორც გაირკვა, დამნაშავეს ნივთიერების აფეთქება არ ჰქონდა განზრახული, თუმცა მიუხედავად ამისა, მას ჩადენილ ფაქტზე კანონით გათვალისწინებული სასჯელი დაეკისრება.
