კოსი: ბოლო 30 წლის განმავლობაში მის ეზოში 21 მანქანა “გაიჭედა”
კუნძულ კოსზე, ბოლო 30 წლის განმავლობაში, 21 ავტოსაგზაო შემთხვევა მოხდა ერთი და იგივე სახლის ეზოსთან.
კონკრეტულად, პელარგოსის რაიონში, მანქანები ოცდაათი წელია გარკვეული სახლის ეზოში განუწყვეტლივ „იჭედებიან“, რაც სახლის მეპატრონეს აღაშფოთებს.
სულ 21 მანქანა შეეჯახა ეზოს კედელს, რომლის მეპატრონეც სახლიდან გასვლას ვეღარ ბედავს დაუპატიჟებელი სტუმრის შიშით.
გასულ შაბათს, ავტოსაგზაო შემთხვევის დროს, სახლის მეპატრონე ვასილი ლეგოსი კიდევ ერთხელ აღმოჩნდა თავისი ეზოს ჩამონგრეული კედლის წინ.
„საბედნიეროდ, მანქანის მძღოლი უვნებელი გამოვიდა, რადგან აირბალიშები ამოქმედდა“, – ამბობს ბ- ნი ლეგოსი, რომელიც ვერ ხსნის თავის ეზოში ამდენი, სულ 21 ინციდენტის მიზეზებს. ყოველ ჯერზე ზარალდება, რომელსაც თავისი ჯიბიდან იხდის, გარდა ერთი შემთხვევისა, როდესაც მძღოლმა ზიანის გამომწვევი თანხა თვითონ გადაიხადა მის შესაკეთებლად.
ბ-ნ ლეგოსს არ შეუძლია ამდენი ინციდენტის მიზეზების ახსნა. ის ვარაუდობს, რომ გვერდითა გზაზე 200 კმ/ სთ სიჩქარით ჩამომავალი მძღოლები ვერ აკონტროლებენ მანქანას და ის მის ეზოში ხვდება.
თუ აიკრძალება მძღოლებისთვის მისი სახლისკენ მიბრუნება, ეს იქნება გამოსავალი, თორემ მას მოუწევს სახლის გადატანა, რაც საკმაოდ რთულია.
