უკანონო მიგრანტებმა გზა “დაკარგეს” და ისევ თურქეთში შევიდნენ

გასაბერ ნავზე მყოფმა უკანონო მიგრანტების 30 კაციანმა ჯგუფმა, რომლებიც საზღვაო გზით, თურქეთიდან კუნძულ სამოსზე უკანონოდ გადასვლას ცდილობდნენ, როგორც ირკვევა, ცურვის დროს მიმართულება იცვალა, ისევ უკან დაბრუნდა და თურქეთის კუშადასის სანაპიროზე აღმოჩნდა.

როგორც თურქული მედია იუწყება, მათ ნავი სანაპიროს მიმდებარე ტერიტორიაზე, გაკვირვებული დამსვენებლების თვალწინ  მიაბეს, მაშველი ჟილეტებიც იქვე დატოვეს და ხმელეთზე ფეხის დადგმისთანავე გაუჩინარდნენ. ამჟამად მათ პოლიცია ეძებს.

ინციდენტი კიდევ ერთხელ ადასტურებს ემიგრანტების უკანონო ტრეფიკინგის რგოლების აქტიურობას თურქეთის სანაპიროდან დაბერძნეთში.