შშმ პირი უჩივის ავტობუსის მძღოლს მის მიმართ გამოვლენილი შეურაცხმყოფელი ქმედების გამო

აღშფოთება გამოიწვია  TikTok-ზე შეზღუდული შესაძლებლობების მქონე პირის მიერ ატვირთულმა ვიდეომ, სადაც ჩანს თუ როგორ მოექცა მას ავტობუსის მძღოლი, როდესაც ის ავტობუსში ასვლას ცდილობდა, მაგრამ პანდუსი არ მუშაობდა.

ვიდეოში ჩანს, რომ ავტობუსი ჩერდება, მაგრამ არ ეშვება სპეციალურ პანდუსზე.

ჩანაწერში გარკვევით ისმის დიალოგი, როდესაც ინვალიდის ეტლში მყოფი უახლოვდება ავტობუსის წინა კარს, მძღოლი ეუბნება მას “დამხმარე არ გყავს?”.

თუმცა, როდესაც ეტლით მოსარგებლე უარყოფითად პასუხობს, მაშინ ისმის მძღოლის ნათქვამი “რატომ დადიხარ  გარეთ?”.

მას შემდეგ, რაც მძღოლი საბოლოოდ დაეხმარა შშმ პირს  ავტობუსში ასვლაში, მოჰყვა შეურაცხმყოფელი საქციელის მეორე რაუნდი, როდესაც ის ეუბნება: „სახელმწიფო გაძლევს დახმარებას და შეგიძლია დამხმარე აიყვანო, მაგრამ ყველაფერს ჯიბეში იდებ…”