Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
ორშაბათი, ნოემბერი 16, 2026
მსოფლიო

სენსაციური აღმოჩენა ვატიკანის არქივში

მეცნიერებმა ახლახანს 1500 წელზე მეტი ხნის წინ დაწერილი, ბიბლიის აქამდე უცნობი თავი აღმოაჩინეს, რომელიც წარმოადგენს ნაწილს მე- 11 დან მე- 12  თავამდე  მათეს სახარებიდან.

ექსპერტებმა ბიბლიის ეს ნაწილი ვატიკანის ბიბლიოთეკაში განთავსებულ უძველეს ქრისტიანულ ხელნაწერებსა და საგალობლებს შორის მას შემდეგ გამოავლინეს, რაც მათზე ულტრაიისფერი გამოსხივება გამოიყენეს.

უძველესი ხელნაწერები, ეგრეთწოდებული პერგამენტები იქმნებოდა განსაკუთრებული წესით დამუშავებულ ცხოველის ტყავზე, რომელსაც იყენებდნენ საწერ მასალად, ქაღალდის გამოგონებამდე.

ტექსტის დასატანად აღნიშნული  ტყავის მასალა არც თუ იშვიათად, რამდენჯერმე გამოიყენებოდა, ძველი ტექსტი ახლით იფარებოდა, მაგრამ  მელნით გაჟღენთილ პერგამენტზე ძველი  ხელნაწერის კვალი არ ქრებოდა, რომლის აღმოჩენის საშუალებასაც დღეს  თანამედროვე ტექნოლოგიები და კონკრეტულად  ულტრაიისფერი შუქით დასხივება იძლევა,რადგან ფარული ტექსტი შთანთქავს სინათლეს და ლურჯდება, შესაბამისად  ხილული ხდება.

ახლახანს აღმოჩენილ უძველეს  პერგამენტზე დასხივებით აღმოჩნდა, რომ ის ორჯერ იქნა გამოყენებული მე-6 საუკუნეში და მასზე დატანილია დამწერლობის  სამი ფენა- სირიული, ბერძნული და ქართული.

როგორც ამ აღმოჩენის ავტორი, გრიგორი კესელი განმარტავს, სახარების ტექსტი, რომელიც ნაპოვნია ამ ხელახლა გამოყენებულ ხელნაწერში, შეიცავს სახარებების ეგრეთ წოდებულ ძველ სირიულ თარგმანებს.

წმინდა წერილების ძველ სირიულ თარგმანს “პეშიტა”  ეწოდებოდა და წარმოადგენდა ოფიციალურ თარგმანს, რომელსაც იყენებდა სირიული ეკლესია მე-5 საუკუნეში.

მეცნიერები მათ მიერ ჩატარებული კვლევების შედეგებზე დაყრდნობით  აცხადებენ, რომ სახარების პერგამენტი პირველად გამოიყენეს მაშინ, როდესაც მასზე  ეგვიპტის უდაბნოში მოღვაწე  წმინდა მამების სწავლების ბერძნული თარგმანები დაიტანეს.

შემდეგ ხელნაწერი კვლავ წაიშალა და ხელახლა იქნა დატანილი   ახალი ტექსტი, მიქაელ მოდრეკილის იადგარი, მე- 10 საუკუნის ქართული ხელნაწერი, რომელიც მოიცავდა ქრისტიანულ ღვთისმსახურებაში დაწესებული სხვადასხვა საგალობლების კრებულს.

ეს გასაოცარი აღმოჩენა, ერთ- ერთი უძველესი შემორჩენილი ბიბლიური ხელნაწერი აუქციონზე გაიყიდება მაისში.

ნიუ- იორკში, სოთბის აუქციონის სახლის ექსპერტები ვარაუდობენ, რომ მისი ღირებულება 30- დან 50 მილიონ დოლარამდე იქნება და ის  შეიძლება გახდეს ყველაზე ძვირადღირებული ისტორიული დოკუმენტი, რომელიც ოდესმე გაყიდულა.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *