როდოსი-ბავშვი დაბადებამდე საგადასახადო სამსახურის წინაშე ვალში აღმოჩნდა
როდოსის მაგისტრატურმა სასამართლომ მიიღო მშობლების მოთხოვნა მათი არასრულწლოვანი შვილის სახელით დაწყებულიყო პროცედურები მემკვიდრეობაზე უარის თქმის შესახებ, რომლის გამოც ბავშვი აღმოჩნდა მოვალე საგადასახადო სამსახურის წინაშე 10 000 ევროს ოდენობით, როგორც დროებითი მემკვიდრე ბებიის, რომელიც მის დაბადებამდე გარდაიცვალა.
როგორც პრესა იუწყება ამბავი გასულ ზაფხულს დაიწყო, როდესაც ბავშვის დედამ საგადასახადო სამსახურიდან მიიღო ინფორმაცია შვილის სახელზე არსებული დავალიანების შესახებ.
მშობლები იძულებული გახდნენ ადვოკატის მეშვეობით განცხადებით მიემართათ როდოსის მაგისტრატური სასამართლოსთვის, რათა მიეცათ ნებართვა მათი მცირეწლოვანი შვილის სახელით უარი ეთქვათ ბებიის მემკვიდრეობაზე.
დავალიანების მიზეზი გახდა მხოლოდ და მხოლოდ ის ფაქტი, რომ მშობლები, ვინაიდან ითვლებიან მეურვედ არასრულწლოვანი ბავშვისა, რომელიც ბებიის მიერ დატოვებული ქონების დროებითი მემკვიდრე გახდა ჯერ კიდევ დაბადებამდე, აღმოჩნდენ კანონმდებლობით გათვალისწინებული გარკვეული ოდენობის თანხის ვადაგადაცილებული დავალიანების წინაშე, რომლის შესახებაც მათ არაფერი იცოდნენ.
მიუხედავად იმისა, რომ განცხადება 5 წლის დაგვიანებით იქნა შეტანილი, სასამართლომ დააკმაყოფილა მშობლების მოთხოვნა, რადგან ბებიის გარდაცვალების მომენტში ბავშვი ჯერ არ იყო დაბადებული და დედა ფეხმძიმობის მესამე თვეში იმყოფებოდა.
გაკვირვებას იწვევს ის ფაქტი, რომ მოხუცის გარდაცვალებიდან რამდენიმე თვის შემდეგ მისმა შვილებმა და მეუღლემ დაიწყეს პროცედურები და უარი თქვეს მემკვიდრეობის მიღებაზე, რის შემდეგაც, როგორც ჩანს მემკვიდრედ ჯერ არდაბადებული ბავშვი ჩაითვალა.
