ნეა ზმირნი: შეიარაღებული ძარცვის მცდელობა სავაჭრო ჯიხურში

დღეს, გამთენიისას, ნეა ზმირნის სავაჭრო ჯიხურში იარაღის მუქარით ყაჩაღობის მცდელობის შემთხვევა მოხდა.

ინფორმაციის თანახმად, ყველაფერი დაიწყო დილის 4:00 საათის შემდეგ, როდესაც სახეზე ნიღბებით დაფარული ორი მოძალადე 24-საათიან სავაჭრო ჯიხურს მიუახლოვდა ელეფთერიუ ვენიზელუსა და აგნოსტონა მარტიროს ქუჩების გადაკვეთაზე და იარაღის მუქარით სცადა ფულის და პროდუქციის გამოძალვა.

ჯიხურის თანამშრომელმა ისინი დროულად შენიშნა და კარი ჩაკეტა. შემდეგ ერთ-ერთმა თავდამსხმელმა სამჯერ ესროლა კარს, რომ გაეღო, მაგრამ ვერ შეძლო. საბოლოოდ, დამნაშავეებმა შემთხვევის ადგილი მოტოციკლეტით  ხელცარიელებმა დატოვეს.

ადგილზე სასწრაფოდ მივიდნენ პოლიციის თანამშრომლები. მათ  აღმოაჩინეს სამი ნატყვიარი  ჯიხურის კარზე. გამოძიება დამნაშავეების დასაკავებლად გრძელდება