EFET: ინტენსიური კონტროლი ზეითუნის ზეთის გაყალბებისგან დასაცავად
საბერძნეთის სურსათის ერთიანი ინპექციის სააგენტო ოფიციალური ინსპექტირების წლიური პროგრამის ფარგლებში, ზეითუნის ზეთის სტანდარტიზაციის ობიექტებში, საბითუმო და საცალო საწარმოებში ადგილზე ინპექტირებას და სინჯების აღებას ახორციელებს.
აღნიშნული სააგენტო თავის განცხადებაში ზეითუნის ზეთის გაყალბების შემთხვევების გამოვლენის თაობაზე წარდგენილი ანგარიშების და საჩივრების რაოდენობის ზრდის შესახებ შეშფოთებას გამოთქვამს.
ამავე კონტექსტში ხაზგასმულია, რომ ” ზეითუნის ზეთის გაყალბება არის თაღლითობა, რომელიც აყენებს ფინანსურ ზარალს როგორც მომხმარებელს, ასევე ბიზნესს და შესაძლო საფრთხეს უქმნის საზოგადოებრივ ჯანმრთელობას.
თაღლითობა ძირს უთხრის მომხმარებელთა ნდობას, საფრთხეს უქმნის ბაზრის მოწესრიგებულ ფუნქციონირებას და სერიოზულ გავლენას ახდენს ლეგიტიმურ ვაჭრობაზე და ბიზნესზე.”
თაღლითობისგან თავის დასაცავად EFET ურჩევს მომხმარებლებს და ბიზნესს:
•ზეითუნის ზეთი შეისყიდონ მხოლოდ ლეგალური და შესაბამისად კონტროლირებადი სავაჭრო პუნქტებიდან.
•განსაკუთრებული ყურადღებით შეისწავლონ ზეითუნის ზეთის ეტიკეტი, რომლის შეძენასაც ისინი აპირებენ. ეტიკეტი უნდა შეიცავდეს მინიმუმ: ზეითუნის ზეთის გაყიდვის კატეგორიას (EXTRA VIRGIN, VIRGIN, OLIVE OIL), სტანდარტიზაციის ერთეულის დამტკიცების ალფანუმერულ ნომერს (EL- 40-_ _ _) და ბიზნესზე პასუხისმგებელი პირის შესახებ ინფორმაციას.
•მოერიდონ ზეითუნის ზეთის ყიდვას ქუჩის მოვაჭრეებისგან (აუცილებელი ლიცენზიის გარეშე) და ანონიმური გამყიდველებისგან.
•განსაკუთრებული სიფრთხილით მოეკიდონ ზეითუნის ზეთის მიწოდებას ელექტრონული კომერციის საშუალებით, პროდუქტიული ან კომერციული კომპანიების ვებსაიტებიდან, რომლებსაც აქვთ ბრენდირებული ზეითუნის ზეთის მიწოდების ყველა გარანტია.
•მომხმარებელმა შეიძინოს ბრენდირებული ზეითუნის ზეთი წინასწარ შეფუთულ შეფუთვაში, მაქსიმალური ტევადობით 5 ლიტრი.
•ბიზნესებმა (რესტორნები, საავადმყოფოები, სასადილოები ან სხვა მსგავსი ობიექტები) შეიძინონ ბრენდირებული ზეითუნის ზეთი წინასწარ შეფუთულ შეფუთვაში 5, 10, 20, 25, 50 ლიტრამდე.
•ზეითუნის ზეთის მიღებისთანავე მოითხოვონ კანონიერი საგადასახადო ქვითრები მისი შეძენისთვის.
