აგრინიო: პიტბულის სასტიკი თავდასხმა გამვლელზე-ძაღლის მფლობელი 18 წლის გოგონა დაკავებულია
ძაღლებთან დაკავშირებით მძიმე ინციდენტი მოხდა შაბათს (14/10) აგრინიოში, როდესაც 18 წლის გოგონას კუთვნილი პიტბულის ჯიშის ძაღლი თავს დაესხა 63 წლის გამვლელს, რომელიც ასევე ძაღლთან ერთად იყო და მას სხეულის მძიმე დაზიანება მიაყენა.
შემთხვევა ერთ-ერთი პარკის ტერიტორიაზე მოხდა მაშინ, როდესაც შინაური ცხოველების ორივე პატრონმა ძაღლები სასეირნოდ გაიყვანა.
თავდასხმის მიზეზი გაურკვეველია, დაზარალებულს კი ზედა კიდურების სერიოზული დაზიანება აღენიშნება.
აღნიშნულმა ფაქტმა შემთხვევის ადგილზე დიდი არეულობა გამოიწვია. ადგილზე სასწრაფოდ მივიდნენ აგრინიოს პოლიციის თანამშრომლები.
63 წლის დაზარალებული მამაკაცი სასწრაფო დახმარების მანქანით საავადმყოფოში გადაიყვანეს სადაც ის ამ დრომდე რჩება. აღსანიშნავია, რომ პიტბულის თავდასხმის შედეგად მძიმედ დაშავდა მსხვერპლის ძაღლიც.
პიტბულის მფლობელი 18 წლის მოზარდი პოლიციამ დააკავა.
