ავტომანქანა ინტერნეტ კაფის ოფისში შევარდა
ავტომანქანა ინტერნეტ კაფის ოფისში შევარდა
პოლიციამ 17 წლის ბიჭი დააკავა ავტომანქანის სახიფათო მართვისა და კერძო საკუთრებისთვის მატერიალური ზიანის მიყენების ბრალდებით.
საგზაო პოლიციამ შაბათს, ღამის 22:20 საათზე ვულიაღმენის გამზირისა და პრიამუს ქუჩის კვეთაზე შენიშნა მოპარული ავტომანქანა, რომელზეც ძებნა იყო გამოცხადებული.
ავტომანქანით 2 პირი გადაადგილდებოდა. პოლიციამ მძღოლს შესამოწმებლად გაჩერებისკენ მოუწოდა, თუმცა მძღოლი განკარგულებას არ დაემორჩილა, სიჩქარეს უმატა და მიმალვა სცადა.
გაქცევის მცდელობაში იოანნუ მეტაქსას ქუჩაზე მძღოლმა საჭეზე კონტროლი დაკარგა და ჯერ გაჩერებულ მოტოციკლეტებს შეეჯახა, შემდეგ კი ინტერნეტ კაფეში შევარდა.
შეჯახების შემდეგ მძღოლმა და მგზავრმა გაქცევა სცადეს, თუმცა პოლიციელებმა მათი შეჩერება შეძლეს და მძღოლი დააკავეს.
დაკავებულის წინააღმდეგ საქმე აღიძრა ქურდობისთვის, დაუმორჩილებლობისთვის, ავტომანქანის სახიფათო მართვისთვის და კერძო საკუთრებისთვის ზიანის მიყენებისთვის.
