ბრალდებული თავს არ იცავდა, როცა 41 წლის ქალი მოკლა – აცხადებს გარდაცვლილის ოჯახის ადვოკატი
ბრალდებული თავს არ იცავდა, როცა 41 წლის ქალი მოკლა – აცხადებს გარდაცვლილის ოჯახის ადვოკატი
კუნძულ სიროსზე მოკლული სასწრაფო დახმარების ბრიგადის თანამშრომლის ოჯახის ადვოკატმა განცხადება გაავრცელა, რომლითაც მკვლელობის საქმესთან დაკავშირებულ დეტალებს გამოეხმაურა. განცხადებაში ადვოკატმა აღნიშნა, რომ 41 წლის მამაკაცი, რომელმაც ქალს დანით სასიკვდილო ჭრილობები მიაყენა, თავდაცვის მიზნით არ მოქმედებდა.
მარია კაზანდაკის აზრით დანით მიყენებული ჭრილობა არა თავდაცვა, არამედ თავდასხმა იყო.
ადვიკატის მსჯელობა ეფუძნება იმ დროის მონაკვეთს, კერძოდ შვიდ წამს, რომელიც 41 წლის ქალმა სიროსზე მდებარე სახლში დაჰყო. განცხადებაში ხაზგასმით არის აღნიშნული, რომ „საღი აზრის თანახმად, ამ შვიდი წამის განმავლობაში, მოულოდნელად შეტევის მსხვერპლად ქცეულ პირს არ ექნებოდა დრო, მოეხდინა ისეთი მყისიერი რეაგირება, რომელიც ბრალდებულმა მოახდინა.“
გასაჯაროებულ ვიდეომასალაზე დაყრდნობით, 41 წლის ქალის ოჯახის ადვოკატი აცხადებს, რომ 41 წლის მამაკაცი: „იმის ნაცვლად, რომ შეშინებოდა სავარაუდო მძარცველის, გაბედულად და თავდაჯერებულად გაეკიდა მას და მთელი ძალით ესროლა სავარძელი, რომელიც ქალს არ მოხვდა, რადგან სავარძელი კედელთან შეჯახებისას დაიშალა. კაცმა განაგრძო ქალის დევნა მწვანე ფერის დანით. გარდაცვლილის ოჯახი ითხოვს სამართლიანობის აღდგენას და სრულიად ენდობა საბერძნეთის სამართალდამცავ ორგანოებს და სჯერა, რომ სასამართლო აუცილებლად გამოიტანს სწორ განაჩენს“.
