დამნაშავეთა დაჯგუფება ათენიდან იპარავდა ტანსაცმელს და ტირანაში ყიდდა

დამნაშავეთა დაჯგუფება ათენიდან იპარავდა ტანსაცმელს და ტირანაში ყიდდა

ტანსაცმლის მაღაზიებსა და სავაჭრო ცენტრებს როგორც ტურისტები ისე სტუმრობდნენ, ირჩევდნენ სასურველ პროდუქციას და როგორც კი დროს იხელთებდნენ იპარავდნენ ყველაფერს, რაც მიზანში ჰქონდათ ამოღებული. 

მოპარული ტანსაცმელი ალბანეთში გადაჰქონდათ და ტირანაში გახსნილ ერთ-ერთ ტანსაცმლის მაღაზიაში ყიდდნენ. 

დამნაშავეთა დაჯგუფებას სათავეში 54 წლის ქალი უდგას, რომლის 4 ოჯახის წევრიც დაჯგუფების აქტიური მონაწილეა. 

დამნაშავეების დასაკავებლად ათენის სამართალდამცავმა ორგანოებმა ალბანეთის სამართალდამცავ ორგანოებთან თანამშრომლობით სპეცოპერაცია ჩაატარეს. 

სპეც ოპერაციის ფარგლებში დააკავეს დამნაშავეთა დაჯგუფების 8 წევრი რომელთა ასაკიც 33-დან 63 წლამდე მერყეობს. იძებნება დაჯგუფების კიდევ 4 წევრი.