კლაუდია ლატა: ჩემი შვილი უმწეო მდგომარეობაში, სრულიად მარტო გარდაიცვალა ვაგონში
კლაუდია ლატა: ჩემი შვილი უმწეო მდგომარეობაში, სრულიად მარტო გარდაიცვალა ვაგონში
ტების სარკინიგზო კატასტროფის საქმეზე ლარისას სააპელაციო სასამართლოში დაღუპულთა ოჯახის წევრების დაკითხვა გრძელდება. სასამართლოში ემოციური ჩვენება მისცა 22 წლის კლაუდია ლატას დედამ, ალმა ლატამ.
მან გაიხსენა ქალიშვილის ცხოვრება და მისი ოცნება, ექიმი გამხდარიყო.
ალმა ლატამ მკაცრად გააკრიტიკა რკინიგზის უსაფრთხოების სისტემა და განაცხადა, რომ კატასტროფის თავიდან აცილება შესაძლებელი იყო, მოქმედი უსაფრთხოების სისტემებიდან თუნდაც ერთს სათანადოდ რომ ემუშავა. მან ასევე ისაუბრა სარკინიგზო ინფრასტრუქტურის პრობლემებზე, მორიგეობების ორგანიზებასა და კომუნიკაციის სისტემების ხარვეზებზე.
მისი თქმით, პასუხისმგებლობა მხოლოდ ლარისას სადგურის მორიგეზე არ უნდა გადავიდეს და გამოძიებამ უნდა შეისწავლოს უფრო მაღალი რგოლების გადაწყვეტილებებიც.
ჩვენების ყველაზე მძიმე ნაწილი კლაუდიას სიტყვის დასასრული იყო: „არ ვიცი, რამდენი წუთი იცოცხლა ჩემმა შვილმა. ჩემი შვილი ვაგონში სრულიად უმწეო მდგომარეობაში, დახმარების გარეშე გარდაიცვალა“, – თქვა ალმა ლატამ და ცრემლები ვერ შეიკავა.
ტების ტრაგედიის საქმეზე ბრალდებულია 36 პირი, მათ შორის საბერძნეთის რკინიგზასთან, Hellenic Train-თან, ინფრასტრუქტურისა და ტრანსპორტის სამინისტროსა და სარკინიგზო მარეგულირებელ უწყებასთან დაკავშირებული მოქმედი და ყოფილი თანამშრომლები. სასამართლო ამ ეტაპზე მოწმეებისა და დაღუპულთა ოჯახის წევრების ჩვენებებს ისმენს.
