Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
კვირა, ნოემბერი 15, 2026
საბერძნეთისაზოგადოება

საბერძნეთი: 107 მუნიციპალიტეტში სკოლებთან ჭკვიანი ქვეითთა გადასასვლელი დამონტაჟდა

საბერძნეთი: 107 მუნიციპალიტეტში სკოლებთან ჭკვიანი ქვეითთა გადასასვლელი დამონტაჟდა

საბერძნეთის 107 მუნიციპალიტეტში სკოლების მიმდებარე ტერიტორიებზე 843 ჭკვიანი ქვეითთა გადასასვლელი მოეწყო. პროექტის საერთო ბიუჯეტი 78 მილიონ ევროს შეადგენს, ხოლო მისი დასრულება 2026 წლის ოქტომბრის ბოლოს არის დაგეგმილი.

პროექტის მიზანია მოსწავლეთა უსაფრთხოების გაუმჯობესება თანამედროვე ტექნოლოგიების გამოყენებით. სისტემაში ჩართულია ასფალტში ჩაშენებული LED განათებები და ვერტიკალური მანათობელი ნიშნები, რომლებიც ქვეითის გამოჩენისას აქტიურდება და მძღოლებს გადასასვლელთან ადამიანის ყოფნის შესახებ წინასწარ აფრთხილებს.

განათებული გადასასვლელები განსაკუთრებით მნიშვნელოვანია ღამით, ცუდი ხილვადობის, წვიმისა და ნისლის დროს, რადგან მძღოლებს ქვეითის დროულად შემჩნევისა და სიჩქარის შემცირების შესაძლებლობას აძლევს.

პროექტს საბერძნეთის ტექნიკური პალატა ახორციელებს. დაფინანსება ციფრული მმართველობისა და ხელოვნური ინტელექტის სამინისტროსა და ევროკავშირის NextGenerationEU პროგრამის ფარგლებში, ეროვნული აღდგენისა და მდგრადობის გეგმით „საბერძნეთი 2.0“ ხორციელდება.

სისტემები მზის ენერგიით იმუშავებს. ამასთან, გადასასვლელებთან დამონტაჟებული სენსორები სადღეღამისო რეჟიმში შეაგროვებს საგზაო მოძრაობისა და გარემოს შესახებ მონაცემებს, რაც მუნიციპალიტეტებს მოძრაობის უკეთ მართვასა და საცობების შემცირებაში დაეხმარება.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *