ეგვიპტე: ალექსანდრიაში 13 სართულიანი შენობა ჩამოინგრა, არიან ნანგრევებში მოყოლილი ადამიანები

ეგვიპტეში დამსვენებლების საცხოვრებელი 13 სართულიანი შენობა ჩამოინგრა, რის შედეგადაც ბევრი ადამიანი ნანგრევებშია ჩარჩენილი.

ეს არის 13 სართულიანი საცხოვრებელი კორპუსი ალექსანდრიაში,  რომელიც ზაფხულის თვეებში დამსვენებლებისთვის არის განკუთვნილი.

ამ დროისთვის უცნობია რამდენი ადამიანია დაკარგული ან დაშავებული.

შემთხვევის ადგილზე სამაშველო ჯგუფები მუშაობენ ნანგრევების  გაწმენდასა და გადარჩენილების ძებნაზე.

ხელმძღვანელ პირებს ოფიციალური განცხადება ჯერ არ გაუკეთებიათ, თუმცა პოლიციის პირველადი შეფასებით, ნგრევა შენობის კონსტრუქციაში გაჩენილმა ბზარმა გამოიწვია.

მონტაზას რაიონში და მეზობელ რაიონებში საავადმყოფოებს სთხოვეს მზად იყვნენ დაშავებულების მისაღებად.