ვისი ინიციატივა იყო ხიდის მშენებლობა, რომელმაც საბერძნეთის 2 რეგიონი ერთმანეთთან დააკავშირა
ვისი ინიციატივა იყო ხიდის მშენებლობა, რომელმაც საბერძნეთის 2 რეგიონი ერთმანეთთან დააკავშირა
2004 წლის 7 აგვისტოს გაიხსნა რიო-ანდირიოს ხიდი, რომელიც პელოპონისოს ცენტრალურ საბერძნეთთან აკავშირებს და ქვეყნის ერთ-ერთ ყველაზე მნიშვნელოვან საინჟინრო პროექტად მიიჩნევა. ხიდი ოფიციალურად ხარილაოს ტრიკუპის სახელს ატარებს, პოლიტიკოსის პატივსაცემად, რომელმაც მისი აშენების იდეა ჯერ კიდევ 1889 წელს წამოაყენა.
თითქმის 2,9 კილომეტრის სიგრძის ხიდი აშენდა ძლიერ სეისმურ ზონაში და დაპროექტებულია ისე, რომ გაუძლოს 265 კმ/სთ სიჩქარის ქარს, ძლიერ მიწისძვრებს, ტექტონიკურ გადაადგილებებსა და 180 ათასი ტონის ტანკერის შეჯახებასაც.
პროექტის საერთო ღირებულებამ დაახლოებით 800 მილიონი ევრო შეადგინა. დღეს ხიდით ყოველდღიურად საშუალოდ 12 ათასზე მეტი ავტომობილი სარგებლობს, ხოლო რიოსა და ანდირიოს შორის გადაადგილებას მხოლოდ რამდენიმე წუთი სჭირდება.
22 წლის შემდეგ რიო-ანდირიოს ხიდი კვლავ რჩება თანამედროვე საბერძნეთის ერთ-ერთ ყველაზე ცნობილ სიმბოლოდ და მსოფლიო საინჟინრო მიღწევების თვალსაჩინო მაგალითად.
