ვრცელდება მოწმეების ჩვენებები კუნძულ როდოსზე მომხდარ ავარიასთან დაკავშირებით

ვრცელდება მოწმეების ჩვენებები კუნძულ როდოსზე მომხდარ ავარიასთან დაკავშირებით

კვირას, 17 მაისს საღამოს კუნძულ როდოსზე, აფანდოს რეგიონში მომხდარმა ავტოსაგზაო შემთხვევამ დედა-შვილის სიცოცხლე იმსხვერპლა. 

ტელემაუწყებელი ΑΝΤ1-ს მიერ გავრცელებული ინფორმაციის თანახმად ერთ-ერთი მოწმე, რომელიც ავარიას შეესწრო, აცხადებს, რომ ავტომანქანა ელვის სიჩქარით გადაადგილდებოდა და ცდილობდა გადაესწრო ყველა წინ მიმავალი სატრანსპორტო საშუალებისთვის.

“შუადღის 12 საათი იქნებოდა, როცა მე, ჩემი მეუღლე და ბავშვები როდოსიდან აღიო იოანნისკენ დავიძარით. შუქნიშანს როგორც კი გავცდით, კოსკინუს გზაჯვარედინზე უკნიდან ძლიერი ხმაური შემოგვესმა. ხმაურის გაგებიდან რამდენიმე წამში პატარა ვერცხლისფერმა ავტომანქანამ ელვის სისწრაფით ჩაგვიარა. ზიგ-ზაგებით უსწრებდა წინ მიმავალ სატრანსპორტო საშუალებებს. მეუღლეს ვუთხარი სიჩქარისთვის ეკლო, რადგან მიუხედავად იმისა, რომ უკვე საკმაოდ მოშორებით იმყოფებოდა მანქნა, მაინც გვესმოდა გადაჭარბებული სიჩქარით გამოწვეული ხმა. იმ მომენტშივე ვუთხარი მეუღლეს, რომ ვინმეს შეიწირავდა ის მანქანა. რამდენიმე საათის შემდეგ კი გავიგეთ, რომ ავტომანქანამ, რომლის აღწერილობაც ჩვენს მიერ ნანახს ემთხვეოდა, 2 ქალის სიცოცხლე იმსხვერპლა.”