თესალონიკი: 19 წლის ახალგაზრდა სიმაღლიდან ზღვაში გადახტომის შემდეგ პარალიზებული დარჩა

ხუთშაბათს შუადღისას, თესალონიკში, პერეას მიდამოში, სირიის მოქალაქე 19 წლის ახლგაზრდა მაღალი სიმაღლიდან ზღვაში გადახტომის შედეგად მძიმედ დაშავდა.

გავრცელებული ინფორმაციით, ყველაფერი მაშინ დაიწყო, როცა 19 წლის ახალგაზრდამ პერეას ცენტრალური ბურჯიდან წყალში გადახტომა გადაწყვიტა, რაც მისთვის საბედისწერო აღმოჩნდა, წყალში ჩახტომისას ის სავარაუდოდ ფსკერზე ან რაიმე მყარ საგანზე დაეცა  და წელს ქვემოთ პარალიზებული  დარჩა.

შემთხვევის ადგილზე  მისულმა  სასწრაფო დახმარების ბრიგადამ პირველადი დახმარების აღმოჩენის შემდეგ დაშავებული  გენერალურ საუნივერსიტეტო კლინიკაში გადაიყვანა.

შემთხვევის ადგილზე ასევე  იმყოფებოდნენ სანაპირო დაცვის თანამშრომლებიც.

მომხდარზე წინასწარ გამოძიებას ცენტრალური ნავსადგურის სამმართველო აწარმოებს.