ირანელი ქალი ქმრის მკვლელობისთვის ჩამოახრჩვეს – ის 15 წლის იყო როცა დაქორწინება აიძულეს
ირანელი ქალი ქმრის მკვლელობისთვის ჩამოახრჩვეს – ის 15 წლის იყო როცა დაქორწინება აიძულეს
სამირა საბჯიანი 10 წელი იჯდა ციხეში – არასამთავრობო ორგანიზაციების ცნობით, ის ოჯახური ძალადობის მსხვერპლი იყო.
ირანში ქალი ჩამოახრჩვეს მას შემდეგ, რაც დამნაშავედ ცნეს ქმრის მკვლელობაში, რომელზეც იგი ბავშვობაში აიძულეს დაქორწინებულიყო, განაცხადა დღეს უფლებადამცველმა ორგანიზაციამ.
ნორვეგიაში დაფუძნებული ირანის ადამიანის უფლებების (IHR) თანახმად, სამირა საბჯიანი, რომელიც ათი წელია პატიმრობაში იყო, სიკვდილით დასაჯეს და გამთენიისას თეირანის მახლობლად მდებარე გეზელ ჰესარის ციხეში ჩამოახრჩვეს.
#SamiraSabzian's postponed execution has been rescheduled for tomorrow morning. Please contact your politicians if your country has diplomatic ties with Iran and use #SaveSamira to demand her execution be halted immediately.
Read our 2021 report on women and the death penalty… https://t.co/CIuLA5tJbf pic.twitter.com/acv1twRKPi
— Iran Human Rights (IHR NGO) (@IHRights) December 19, 2023
არასამთავრობო ორგანიზაციამ აღნიშნა, რომ ეს ქალი, რომელიც 15 წლის ასაკში ძალით გაათხოვეს, ქმრის მიერ ოჯახური ძალადობის მსხვერპლი იყო. ის ათი წლის წინ, 19 წლის ასაკში დააკავეს.
IHR-ის ცნობით, ქალს არ უნახავს თავისი ორი შვილი პატიმრობაში ყოფნისას, გარდა ერთი ვიზიტისა ამ თვის დასაწყისში, სიკვდილით დასჯამდე, რათა მათ სამუდამოდ გამომშვიდობებოდა.
„სამირა წლების განმავლობაში იყო გენდერული აპარტეიდის, ბავშვთა ქორწინებისა და ოჯახური ძალადობის მსხვერპლი და დღეს ის გახდა რეჟიმის კორუმპირებული და არაკომპეტენტური სიკვდილის მანქანის მსხვერპლი“, – თქვა მაჰმუდ-ამირი მოგადამმა, IHR-ის დირექტორმა.
Today, right after the call for morning prayer, the regime in Iran executed Samira Sabzian.@mozhgankshavarz Iranian activist who was her cellmate says: “ Samira
was a victim of child marriage, I witnessed how much she suffered in prison from being denied to have access to her… https://t.co/97tPa48PV0 pic.twitter.com/hZUglcslDV— Masih Alinejad 🏳️ (@AlinejadMasih) December 20, 2023
Amnesty International-ის თანახმად მხოლოდ ნოემბერში ირანში 115 ადამიანის სიკვდილით დასჯა დაფიქსირდა რის გამოთაც ადამიანის უფლებათა დაცვის ორგანიზაციები აღშფოთებას გამოსატავენ.
არასამთავრობო ორგანიზაციებმა მოუწოდეს ირანს არ დაესაჯა ახალგაზრდა ქალი და ბრიტანეთიც ჩაერია მისი სიკვდილით დასჯის შესაჩერებლად.
„სამირა ბავშვთა ქორწინების მსხვერპლი იყო (…). ირანმა უნდა შეწყვიტოს ქალებისა და ბავშვების მიმართ შემზარავი მოპყრობა“, – დაწერა სამშაბათს X-ში ბრიტანეთის სახელმწიფოს საგარეო საქმეთა მინისტრის მოადგილემ ტარიკ აჰმედმა.
IHR-ის ცნობით, წელს ირანში 18 ქალი სიკვდილით დასაჯეს, მათ შორის ერთ ერთი სამირა საბზიანი იყო.
