იღუმენიცაში გემზე ავარიის შედეგად ქართველი მეზღვაური დაიღუპა

2 ნოემბერს სამუშაო ავარიის შედეგად 26 წლის ქართველი მეზღვაური გარდაიცვალა. უბედური შემთხვევა ვანუატუს დროშის ქვეშ მცურავ გემზე მიხდა, რომელიც იღუმენიცას პორტში იდგა.

იღუმენიცასა და სივოტას სანაპირო დაცვას მაშინვე  აცნობეს, რომ მეზღვაური დაშავდა გემზე მუშაობის დროს, რომელიც პლატარიას საზღვაო არეალში იმყოფებოდა.

შემთხვევის ადგილზე იღუმენიცას სანაპირო დაცვის საპატრულო კატარღა მივიდა, რომელმაც დაჭრილი მეზღვაური იღუმენიცას პორტში გადაიყვანა. იქიდან კი სასწრაფო დახმარების მანქანამ აიყვანა.

მეზღვაური თავდაპირველად  სასწრაფო დახმარების განყოფილებაში შეიყვანეს, თუმცა, რადგან მისი მდგომარეობა მძიმე იყო, გადაწყდა მისი გადაყვანა იანინას გენერალურ საავადმყოფოში სადაც ის გარდაიცვალა.

მომხდარზე წინასწარ გამოძიებას იღუმენიცას ცენტრალური საპორტო სამმართველო აწარმოებს.