კალიფორნია იყენებს ინდიელების პრაქტიკას და ებრძვის ცეცხლს.. ცეცხლით

კალიფორნიაში, სან-ფრანცისკოს მახლობლად, სანტა კრუზის ოლქის პერიფერიულ ტყეში ჩირაღდნებით შეიარაღებულმა ათეულობით მოხალისემ ცეცხლი წაუკიდა გვიმრის ბუჩქებს, მშრალ ტოტებს და ფოთლებს.

ეს იყო კონტროლირებადი ხანძარი, რომლის მიზანია ეკოსისტემის გაწმენდა, რათა ის უფრო მდგრადი იყოს ხანძრების მიმართ. კალიფორნიის შტატი მსგავს პროფილაქტიკურ ღონისძიებას სულ უფრო ხშირად მიმართავს. მათი მიზანია შეამცირონ ტყის ხანძრების ინტენსივობა, რომელთა გამოც ბოლო ათწლეულში 200-ზე მეტი ადამიანი დაიღუპა და თანდათან ინტენსიურ ხასიათს იძენს კლიმატის ცვლილების გამო.

“ხანძრის წინააღმდეგ ბრძოლის საუკეთესო გზა ცეცხლია. მცენარეულობა საბოლოოდ მაინც დაიწვება. ამიტომ გვინდა მისი დაწვა არც თუ ისე ექსტრემალური გზით, რათა თავიდან ავიცილოთ ხანძრის სახლებზე გავრცელება და ადამიანური ტრაგედიები.”-ამბობენ ადგილობრივები.

ამ კონტექსტში, ბოლო წლების განმავლობაში, 20-მდე სააგენტო შეიქმნა კალიფორნიაში. გარდა სახანძრო და სატყეო სამსახურის მოქმედებისა, ეს ასოციაციები კერძო პირებს ასწავლიან მსგავსი ოპერაციების ორგანიზებას და განხორციელებას.