როგორ იქცა ფუგუ მეთევზეების დაუძინებელ მტრად
როგორ იქცა ფუგუ მეთევზეების დაუძინებელ მტრად
ხმელთაშუა ზღვაში თევზის კონკრეტული სახეობის, ფუგუს სწრაფი გავრცელება სულ უფრო დიდ ზიანს აყენებს როგორც ზღვის ეკოსისტემას, ასევე მეთევზეობის სექტორს. აღნიშნულ პრობლემას სპეციალური რეპორტაჟი მიუძღვნა სააგენტო AFP-მ, რომელმაც კრეტაზე ადგილობრივი მეთევზეების მდგომარეობა შეისწავლა.
მეთევზეების თქმით, ფუგუ ხშირად ჭამს ბადეებში მოხვედრილ თევზს, აზიანებს სათევზაო აღჭურვილობას და ამცირებს ნადავლს. შედეგად, მათ ყოველწლიურად საშუალოდ დაახლოებით 8 500 ევროს ოდენობის ზარალი ადგებათ.
სპეციალისტები აღნიშნავენ, რომ ხმელთაშუა ზღვის წყლის ტემპერატურის მატებამ ამ სახეობის გამრავლებას შეუწყო ხელი. ბოლო ორი ათწლეულის განმავლობაში ე.წ ლაღოკეფალები საბერძნეთის წყლებში ერთ-ერთ ყველაზე პრობლემურ სახეობად იქცნენ.
განსაკუთრებით საშიშია ტოქსინი, რომელსაც თევზი შეიცავს. ადამიანის მიერ მისი მოხმარება სიცოცხლისთვის საფრთხის შემცველია. მეთევზეების თქმით, ფუგუს შინაური ცხოველებიც კი ერიდებიან. კატები მათ არ ეკარებიან, რაც, სავარაუდოდ, ბუნებრივი ინსტინქტით აიხსნება.
